Әлфия Когогина: "Чаллы халкы үз укытучыларын ярата, хөрмәт итә һәм бәяли"

 Яр Чаллыда «Иң шәп сыйныф җитәкчесе» конкурсына йомгак ясалды. Бүләкләү тантанасы Шәһәр балалар һәм яшьләр иҗаты сараенда Укытучылар көнен бәйрәм итү барышында узды. Тантаналы чара кысаларында Дәүләт Думасы депутаты, «Бердәм РОССИЯ» фракциясе әгъзасы Әлфия Когогина педагогик коллективларны якынлашып килүче һөнәри бәйрәмнәре белән котлады һәм конкурста җиңүчегә Дәүләт Думасы депутаты Рәхмәт хаты һәм 35 мең сум күләмендә акчалата премия тапшырды. Быел конкурста 26 нчы гимназиянең география укытучысы Юлия Казаева җиңү яулады.

"Чыннан да, халык тануы масштабына таянып, чаллылыларның укытучыларны яратуларын, игелекле, авыр, иҗади хезмәтегезне хөрмәт итүләрен һәм бәяләүләрен әйтә алам. Педагогларга, остазларга, һәрвакыт һәм һәркайда безне озатып йөрүчеләргә чын күңелдән җылылык белән карыйлар, чөнки бүген, белем икътисады чорында, гомер буе укырга кирәк", – дип мөрәҗәгать итте сәхнәдән Әлфия Когогина шәһәрнең педагоглар берләшмәсенә.

 «Иң шәп сыйныф җитәкчесе» халык тануы конкурсы Яр Чаллы бер мандатлы округы шәһәрләрендә һәм районнарында депутат инициативасы белән 2014 елдан бирле үткәрелә. Бу юлы мәктәп укучылары һәм аларның әти-әниләре «Челнинские известия» шәһәр газетасы битләрендә 118 укытучы кандидатурасын тәкъдим иткән, сыйныф җитәкчеләрен хуплап 3,5 мең комментарий килгән, тавыш бирү барышында 12 финалистка 27 меңнән артык тавыш бирелгән.