Автостанция районында җир асты кичүе төзелеше ахырына якынлаша. Бу хакта «эшлекле дүшәмбе» вакытында Башкарма комитет җитәкчесенең беренче урынбасары Илья Зуев сөйләде: «Әлеге проектны тормышка ашыру шәһәрнең тимер юл һәм автомобиль вокзалын, шулай ук якын-тирәдәге территорияне үстерүгә этәргеч бирәчәк. Аны төзү өчен акча Татарстан Республикасы президенты Рөстәм Нургали улы Миңнеханов ярдәме белән бүлеп бирелде», - диде Илья Зуев.
«Җир асты җәяүлеләр кичүенә тотынгач, вокзал яны мәйданын да яңартырга булдык. Эшне ярты елда гына башкару мөмкин түгел», - дип өстәде аның чыгышыннан соң шәһәр мэры Наил Мәһдиев.
Шәһәр башлыгы сүзләренә караганда, җир асты кичүе төзелеше нәтиҗәсендә автовокзал пассажирларына гына түгел, автотранспортка да йөрү уңайлы булачак.
При использовании информации просьба ссылаться на Управление информационной политики и по связям с общественностью.
Дүшәмбе, 7 октябрь 2019, 08:59