Яр Чаллыда Ипотека көне узачак

 2 ноябрь көнне "КАМАЗ" Мәдәният сараенда "Торак. Кредитлар. Офислар" ярминкәсе узачак. Яр Чаллыда традицион ярминкә җиденче тапкыр үткәрелә. Чаллылылар табыш займнары, икенчел торак һәм яңа төзелешләр, коммерцияле күчемсез милек, иминият программалары буенча дөньядагы иң актуаль яңалыклар белән таныша алачаклар. Бер урында шәһәр халкы төзүчеләрдән, риэлторлардан, иминләштерүчеләрдән, банклардан, салым хезмәтеннән һәм пенсия фондыннан мәгълүмат ала алачак.

"Бу юлы эшмәкәрләр өчен офислар тәкъдим ителәчәк, аларны төзүчеләрдән дә, риэлтор компанияләреннән дә сайлый ала. Банк вәкилләре офис бүлмәләрен сатып алуга процент ставкалары турында сөйләячәкләр. Кредитлар буенча ставка 8,5%тан башлана - бу бик яхшы ставка",-дип сөйләде Яр Чаллы шәһәре Сәүдә-сәнәгать палатасы Советы Рәисе урынбасары Венера Иванова.

Ярминкәдә шулай ук күп балалы гаиләләрне дә файдалы тәкъдимнәр көтә. Бу елның сентябрендә әлеге категориядәгеләр өчен тагын бер ярдәм формасы барлыкка килде. "2019 елда өченче балалары туган гаиләләр, кредитның кайчан алынуына карамастан, ипотека кредитын түләүгә 450 мең сум күләмендә субсидия алырга мөмкин. Бу, ана капиталыннан тыш, өстәмә ярдәм. Моннан тыш, күп балалы гаиләләрнең алынган кредитлар буенча процент ставкасын киметү мөмкинлеге дә бар. Бүген яңа төзелешләрдә әлеге ставкалар 4,7%тан артып китә", - дип хәбәр итте Венера Иванова. 

 Чара 10:00нан 16:00 сәгатькә кадәр узачак.