Яр Чаллыда 2020 елга һәм 2021- 2022 елларның планлы чорына муниципаль берәмлек бюджеты проекты буенча җәмәгать тыңлаулары узды. Фикер алышуда Яр Чаллы Башкарма комитеты җитәкчесе урынбасарлары Наталия Кропотова һәм Ирина Сәгыйдуллина, Контроль-хисап палатасы рәисе Татьяна Шливе, шәһәр Советы депутатлары, Башкарма комитетның структур бүлекчәләре вәкилләре, шәһәр халкы катнашты.
Ирина Сәгыйдуллина хәбәр иткәнчә, 2020 елда шәһәр бюджеты керемнәре 9 млрд 314 млн сум күләмендә планлаштырылган (2021 елга - 9 млрд 404 млн сум, 2022 елга - 9 млрд 480 млн сум). 2020 елга салым керемнәре өлеше бюджет керемнәренең гомуми күләмендә 46% тәшкил итәчәк. 2020 елга фараз –4 млрд 280 млн сум, 2021 елга– 4 млрд 455 млн сум, 2022 елга – 4 млрд 615 млн сум. Салым булмаган керемнәр өлеше 9% тәшкил итә һәм 2020 елга 818 млн сум булыр дип фаразлана (2021 елда – 828 млн сум, 2022 елда - 842 млн сум). Бюджетара трансфертлар 2020 елда 4 млрд 216 млн сум күләмендә планлаштырыла, алар өлешенә 45% туры килә. (2021 һәм 2022 елда - 4 млрд 121 млн сум һәм 4 млрд 023 млн сум).
Бюджетның чыгым өлеше гамәлдәге йөкләмәләрдән, индекс-дефляторлардан, бюджет сәясәтенең төп юнәлешләреннән чыгып формалаштырылган һәм 9 млрд 314 млн сум тәшкил иткән (2021 һәм 2022 елларда - 9 млрд 405 млн сум һәм 9 млрд 480 млн сум).
Ирина Сәгыйдуллина билгеләп үткәнчә, бюджет чыгымнарының төп өлеше 6 млрд 399 млн сум күләмендә хезмәт хакын түләүгә туры килә (гомуми чыгымнарның 69% ы). Социаль өлкәдә чыгымнар күләме буенча иң зур бүлек булып мәгариф өлкәсе кала бирә. 2020 елда мәктәпкәчә белем бирүгә 2 млрд 549 млн сум каралган ,шул исәптән 1 млрд 172 млн сум республика бюджетыннан субвенция хисабына, гомуми белем алуга - 3 млрд 158 млн сум, шул исәптән 2 млрд 278 млн сум республика акчалары, өстәмә белем алуга – 599 млн сум.
"Аның параметрлары түбәндәгечә: керем һәм чыгымнар буенча 2020 елга 9 млрд 313 млн 951 мең 790 сум; 2021 елга 9 млрд 404 млн 459 мең 720 сум; 2022 елга 9 млрд 479 млн 571 мең 850 сум", - дип белдерде Ирина Сәгыйдуллина.
Шәһәр бюджеты проекты җитәкчесе, профессор, КФУның Яр Чаллы институты икътисад бүлегенең икътисад теориясе һәм икътисадый сәясәт кафедрасы мөдире Анатолий Макаров җитәкчелегендә эксперт төркеме тарафыннан хупланды.
При использовании информации просьба ссылаться на Управление информационной политики и по связям с общественностью.
