Яр Чаллыда икътисадчы көненә багышланган тантаналы чара узды. Тантаналар сараенда шәһәрнең икътисадый тармак хезмәткәрләрен һөнәри бәйрәмнәре белән Яр Чаллы шәһәре мэры Наил Мәһдиев котлады.
«
Яр Чаллыны илнең иң икътисадый үсеш алган шәһәрләренең берсе дип очраклы гына атамыйлар. Бу чыннан да шулай. Сезнең тырышлыгыгыз белән шәһәр яңа сулыш ала. Икътисадый хезмәттән башка шәһәрне икътисадый яктан тотрыклы дип атавы кыен. Яхшы икътисадчы һәм яхшы хисапчы – ул теләсә кайсы предприятиенең: эре, урта, зур уңышларының яртысыннан артыгы. Акыллы, тырыш булырга, икътисад һәм салым системасы нигезләрен аңларга һәм катлаулы икътисадый ситуациядә барлыкка килгән каршылыкларга җавап бирә белергә кирәк», – дип ассызыклады мэр.
Намуслы һәм нәтиҗәле хезмәтләре өчен тармакның иң яхшы хезмәткәрләрен бүләкләделәр. Татарстан Республикасы Икътисад министрының Рәхмәт хаты белән «КАМАЗ» ААҖнең икътисад буенча сатып алулар үзәге директоры урынбасары Ләйсән Газизова бүләкләнде. Мэр рәхмәтен «КАМАЗ» ААҖ кою заводының үзкыйммәте һәм бәяләрне контрольдә тоту бүлеге башлыгы Лира Вахитовага тапшырдылар.
Чаллы шәһәренең «КАМАЗ», «Булгарпиво», «ТЭМПО», «Ремдизель», «РИАТ», «ЛЕОНИ РУС», «ТАТПРОФ» предприятиеләре, С.П. Титов ис.
картон-кәгазь комбинаты, «Завод МАШДЕТАЛЬ», «РариТЭК», «Баланс-Сити Аудит ТД» хезмәткәрләре шәһәр Башкарма комитетының Рәхмәт хатлары белән бүләкләнделәр.
Бәйрәм кунаклары өчен «Лаимс» вокал төркеме, «Бисеринки» бию ансамбле артистлары Наил Әнәсов чыгыш ясады.
Тантаналы чарадан фоторепортажны Вконтактеның
"Яр Чаллы шәһәре администрациясе" рәсми төркемендә карарга мөмкин.
При использовании информации просьба ссылаться на Управление информационной политики и по связям с общественностью.
