Бүген өлешчеләрнең хокукларын яклау фонды торак-төзелеш кооперативлары әгъзаларына түләүләрне башкара ала торган нормалар үз көченә керә.
Сүз проблемалы объектлар төзелешен тәмамлау өчен төзүчеләрнең банкротлыгы процедурасы кысаларында төзелгән ТТК турында бара. Элегрәк мондый ТТК әгъзалары проблемалы объектлар төзелешен тәмамлау максатка ярашлы түгел дип тапкан очракта, акча ала алмаган. Бу аларны өлешләп төзүнең башка катнашучылары белән чагыштырганда тигезсез хәлгә куйган.
Юридик затларның күчемсез милеген һәм өлешләп катнашу килешүләрен дәүләт теркәве бүлеге башлыгы Лилия Борһанова аңлатканча, әлеге түләүләр торак-төзелеш кооперативы әгъзалары булган гражданнарга, түбәндәге шартларны үтәгәндә бирелә:
- ТТК төзүченең банкротлык процедурасы барышында барлыкка килде һәм аңа төзүченең төзелеп бетмәгән җир участогына һәм җир кишәрлегенә хокуклары тапшырылды;
- гражданнарның таләпләре төзүченең банкротлыгы турындагы эштә күрсәтелгән тапшыру юлы белән төзелештә катнашучыларның таләпләре реестры нигезендә түләнгән;
- гражданнар ТТКнә карата торак яки торак булмаган бинаны, машина урынын тапшыру турында таләпләр бар.
Моннан тыш, РФ Хөкүмәте түләү өчен кооперативның мөрәҗәгать итү тәртибен; түләү өчен кирәкле документлар исемлеген һәм кооператив әгъзасы булган гражданга түләүне башкару турында Фонд тарафыннан карар кабул итү нигезләрен үз эченә алган түләү тәртибен билгеләде. Кооперативка яңа әгъзалар кабул итү һәм пайны кооператив әгъзаларының Фондка җибәрүе мөһим.
Әлеге түләүне бирүнең аерым шартлары «Төзүчеләрнең бөлгенлеккә төшүе вакытында өлешләп төзүдә катнашучы гражданнарның хокукларын яклау буенча гавами-хокукый компания һәм Россия Федерациясенең аерым закон актларына үзгәрешләр кертү турында», шулай ук «Бөлгенлек (банкротлык) турында» 04.11.2019 елның 359 нче номерлы Федераль законы нигезендә билгеләнгән.
При использовании информации просьба ссылаться на Управление информационной политики и по связям с общественностью.
Җомга, 15 ноябрь 2019, 10:18