Дәүләт Думасы "Интернет" челтәрендә мәҗбүри телеканалларның бердәм системасын булдыру турында закон проектын беренче укылышта кабул итте.
Закон проекты белән һәркем өчен мөмкин булган Гомумроссия мәҗбүри телеканалларының, шулай ук Россиянең бөтен территориясендә мультиплекстагы позицияне файдаланып, эфирлы цифрлы җир өсте тапшыруын гамәлгә ашыру хокукы алган телеканалларның «Интернет» челтәрендә таралуын махсус җайга салуны кертергә тәкъдим ителә.
Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина новеллага аңлатма бирде: «Хәзерге вакытта телевизион контентның интернет-тапшырулары шулкадәр тәртипсез һәм контрольсез, тыелган реклама һәм намуссыз операторлар белән тутырылган, бу исә җәмәгатьчелек өчен курку тудыра. Гомумроссия мәҗбүри телеканалларының бердәм системасын булдыру, барыннан да элек, тамашачыларны яклауга юнәлдерелгән».
Һәркем өчен мөмкин булган телеканалларны тапшыручыларга 2021 елның 1 гыйнварыннан әлеге телеканалларны «Интернет» челтәрендә тарату бурычы куела.
РФ территориясендә урнашкан "Интернет" челтәре кулланучыларының һәркем өчен мөмкин булган телеканалларга керү бушлай булачак. Шул ук вакытта телетапшырулар әзерләүчеләр «Интернет» челтәре аша трансляцияләнүче телетапшырулар челтәренә туры килүне тәэмин итәргә тиеш.
При использовании информации просьба ссылаться на Управление информационной политики и по связям с общественностью.
Җомга, 15 ноябрь 2019, 11:24