Чаллы балалар бакчасы 500 мең сум күләмендә республика грантын отты 

111 нче "Батыр" балалар бакчасы 500 мең сум күләмендә республика грантына ия булды. «Иң яхшы билингваль балалар бакчасы» гранты мәктәпкәчә учреждениедә фән-үсеш мохитен яңартуга юнәлдерелгән чаралар үткәрүгә юнәлдерелгән. Конкурста 55 мәктәпкәчә белем бирү оешмасы катнашты. Конкурс комиссиясе ике атна дәвамында мәктәпкәчә яшьтәге балаларга билингваль белем бирүнең югары сыйфатын тәэмин итүче иң яхшы балалар бакчаларын бәяләү һәм сайлап алу өчен Татарстанның 26 районында булды. Мәктәпкәчә белем бирү оешмаларын бүләкләү тантанасы Казанның 82нче балалар бакчасында узды.

Грант җиңүчеләре дип барлыгы 28 балалар бакчасы табылды, шуларның сигезе Казанда. Чаллыдан тыш, иң яхшы мәктәпкәчә учреждениеләр арасыннан Татарстанның Бөгелмә, Арча, Чистай, Лениногорск, Саба, Мамадыш, Биектау, Мөслим, Питрәч, Түбән Кама, Азнакай, Ютазы, Буа, Сарман, Лаеш, Алабуга, Әлмәт һәм Теләче районнарын атап үтәргә кирәк. 

Хәзерге вакытта Татарстанда ике меңнән артык балалар бакчасы эшли. Яңа мәктәпкәчә белем бирү оешмалары да төзелә. Яр Чаллыда 2019 елда «Демография» илкүләм проекты буенча алты балалар бакчасы төзелде. 

 Фото: Татарстан Республикасы Мәгариф һәм фән Министрлыгыннан алынды