Бүген «КАМАЗ» мәдәният сараенда шәһәр коррекция мәктәпләре укучыларының иҗат эшләреннән торган «Илһам канатларында» исеме астында күргәзмә эшләде. Чара физик мөмкинлеге чикле кешеләр декадасы уңаеннан оештырылды. Педагоглары һәм ата-аналары ярдәмендә балалар үз куллары белән кечкенә шедеврлар тудырганнар. Күргәзмәне оештыручы – 2 нче балалар сәнгать мәктәбе.
«Кызыл Тау» мәдәният үзәгендә шулай ук физик мөмкинлеге чикле кешеләр өчен гамәли иҗат буенча «Кулга-кул тотыныйк, дуслар» дип аталган смотр-конкурс булды. Анда 60 тан артык кеше үз эшләрен тәкъдим итте. Конкурска йомгак 9 декабрьдә «Шатлык» яшьләр үзәгендә ясалачак.
При использовании информации просьба ссылаться на Управление информационной политики и по связям с общественностью.
Сишәмбе, 3 декабрь 2019, 16:36