Татарстан Росреестры чаллылыларга дәүләт кадастр исәбенә куюны туктаткан яки бер үк вакытта дәүләт кадастр исәбе һәм хокукларны дәүләт теркәвенә алу турында гариза биргәндә туктатылган очракта мөрәҗәгать итә ала торган апелляция комиссиясе эше турында искә төшерә. Мөрәҗәгать итүчеләр, апелляция комиссиясенә гариза биреп, теркәү туктатылганнан соң 30 көн эчендә әлеге карарга карата шикаять белдерә алалар. Росреестрның Татарстан Республикасы буенча идарәсенең Хокукый тәэмин итү бүлеге башлыгы Лидия Печенкина билгеләп үткәнчә, идарә һәрвакыт, законлы нигезләр булганда, бәхәсләрне судтан тыш җайга салуга әзер. Шулай итеп, 2019 елның 11 аенда судларда идарә катнашында җавап бирүче, административ җавап бирүче буларак 446 эш каралган, аларның 95 %ы идарә файдасына хәл ителгән. Суд процедурасыннан аермалы буларак, апелляция комиссиясе кирәкле барлык процессуаль гамәлләрне үз өстенә ала: документлар, материаллар һәм мәгълүматны җирле үзидарә органнарында, кадастр исәбе органында, башка оешмаларда һәм кадастр инженерыннан соратып ала, шулай ук, кирәк булганда, документларга экспертиза үткәрә. Комиссия составына Росреестр идарәсе, "ФКП Росреестр" Федераль дәүләт бюджет учреждениесе филиалы вәкилләре, кадастр инженерлары, СРО вәкилләре керә.
Апелляция комиссиясенә мөрәҗәгать итүче үзе дә, аның вәкиле дә, ызанлау планын, техник план яки тикшерү актын әзерләгән кадастр инженеры да, шулай ук кадастр инженеры хезмәткәре булган юридик зат та мөрәҗәгать итә ала.
Апелляция комиссиясен формалаштыру, эшләү тәртибе, апелляция комиссиясенә мөрәҗәгать итү өчен кирәкле документлар исемлеге һәм формалары Россия Икътисадый үсеш министрлыгының 2016 елның 30 мартындагы 193 номерлы боерыгы белән расланган. Мәгълүмат Росреестрның рәсми сайтында бар. бер үк дәүләт регистраторының карарына бәйле шикаять бирү турындагы карарны кабат бирү рөхсәт ителми.
Шуны да билгеләп үтәргә кирәк, комиссиягә мөрәҗәгать иткәндә гариза формасына һәм эчтәлегенә карата билгеләнгән таләпләрне үтәү зарур. Теркәүне туктатып тору турындагы карарга шикаять бирү турында гариза формасы Росреестрның рәсми сайтында урнаштырылган. Дәүләт пошлинасы белән апелляция комиссиясендә карарга карата шикаять бирелми.
Апелляция комиссиясе Казан шәһәре, Авангард урамы, 74 адресы буенча эшли. Апелляция комиссиясе эше турында тулырак мәгълүматны 255-25-54 телефоны буенча белергә мөмкин.
При использовании информации просьба ссылаться на Управление информационной политики и по связям с общественностью.
Җомга, 10 гыйнвар 2020, 13:35