«Шатлык» яшьләр үзәгендә «дөнья шәһәре»масштаблы проекты старт алды. Анда милләтара диалог мәсьәләләренә битараф булмаган 120 чаллылы катнашты. Мәктәп, урта махсус һәм югары уку йортлары, иҗтимагый оешмалар һәм милли җәмгыятьләр арасында 20 команда оештырылды.
Проектның махсус кунагы - Башкарма комитетның мәгълүмат сәясәте һәм җәмәгатьчелек белән элемтә идарәсе башлыгы Римма Мөхәммәтҗанова булды.
Проектны ачу программасы үз эченә Римма Мөхәммәтҗанованың мастер-классын, «Минем Чаллыларым» викторинасын һәм Ensade яшь Чаллы төркеме чыгышын алды.
«Город мира» проекты Яшьләр эшләре буенча Федераль агентлык (Росмолодежь) ярдәме белән үткәрелә һәм 2019 елда Бөтенроссия конкурсында физик затларның яшьләр проектлары арасында җиңү яулаган. Проектны үткәрү тәҗрибәсе күрсәткәнчә, безнең шәһәр яшьләре, чыннан да, милләтара диалог тематикасы кызыксындыра. Проектта катнашучылар командада эшләргә өйрәнәләр, халык алдында чыгыш ясау тәҗрибәсен алалар, һәм иң мөһиме, Татарстан Республикасында яшәүче барлык халыкларның мәдәниятен хөрмәт итәргә өйрәнәләр.
Алда проектта катнашучыларны мастер-класслар , редакторлар караулары һәм театральләштерелгән тамаша кую буенча тәкъдимнәр көтә. Шулай ук проектны тормышка ашыру кысаларында шәһәр һәм Татарстан Республикасының иҗтимагый һәм мәдәни эшлеклеләре белән очрашулар оештырылачак. «Город мира» халыклар дуслыгы темасына театральләштерелгән спектакльләр күрсәтү белән тәмамланачак.
При использовании информации просьба ссылаться на Управление информационной политики и по связям с общественностью.
Якшәмбе, 16 февраль 2020, 09:55