КФУ милли тикшеренү техник университетының Инжиниринг үзәге бинасында GEPARD Racing командасы стендын тәкъдир итү тантанасы узды. Команда катнашучылары-университет студентлары. КФУның Яр Чаллы институты стеналарында әлеге стендны ачу очраклы түгел, чөнки ярышлар командасы составына студентлар: пилот, команда җитәкчесе Игорь Чагин, штурман, техник белгеч Иван Безденежных, спорт техникасы механигы Александр Кандаков керә.
Чара КФУның Яр Чаллы институты директоры Мәхмүт Ганиевның котлау сүзеннән башланды: «Яр Чаллы шәһәре чыннан да, Россиянең автомобиль башкаласы булуын тагын бер кат раслый. «КАМАЗ» ГАҖ - йөк автомобильләре җитештерү, сату һәм аларга хезмәт күрсәтү буенча иң эре завод һәм бүгенге көндә бу җитештерүнең тулы циклы булган бердәнбер завод. Безнең институт база институты булып тора, чөнки ул «КАМАЗ» астында, автомобиль сәнәгате өчен төзелгән. Техник белгечлекләр гамәлгә ашырыла торган һөнәрләрнең 65 процентын тәшкил итә».
Исегезгә төшерәбез, институт базасында «КАМАЗ» ГАҖ ярдәме белән өч ел элек Formula Student KFU командасы оештырылды. Студентлар үзләре проектлый, төзи, сыный һәм ярыша.
Команданың җитәкчесе һәм пилоты Игорь Чагин катнашучыларга ярышлар маршрутлары географиясе, команда алдында торган сынауларга әзерләү процессы, төрле ярышлар һәм трассалар төрләре өчен автомобильне модернизацияләү турында сөйләде. Ул билгеләп үткәнчә, кыска гына вакыт эчендә спортчылар күп кенә дәрәҗәле бүләкләргә ия булдылар. Команда 2018 елгы ралли-рейдлар буенча Россия Кубогы җиңүчесе булып тора. Gepardracing исәбендә 16 узышта катнашу, шуларның 11е уңышлы.
Стендны ачуда Россиянең атказанган спорт мастеры, «КАМАЗ-мастер» командасы пилоты, «Дакар-2020»ралли-рейдында йөк машиналары зачетында җиңүче Андрей Каргинов та катнашты.
Спортчы үз тәҗрибәсе әзерлек барышында гына түгел, ярышлар вакытында да очрашырга туры килә торган авырлыклар турында сөйләде. Очрашу нәтиҗәләре буенча студентлар төрле сораулар бирделәр, алар эш моментларына гына түгел, шәхси мәсьәләләргә дә кагылды. Ярышлар командасы эшчәнлегенә кагылышлы күп кенә сораулар арасында хәзерге вакытта легендар команда базасында узган «Мастер» күп серияле фильмын төшерү турында да әйтелде.
Очрашу ахырында барлык теләүчеләр «Дакар-2020» ралли-рейдында җиңүче Андрей Каргинов автографын алдылар, шулай ук «КАМАЗ-мастер» командасының легендар әгъзасы белән фото ясый алдылар.
При использовании информации просьба ссылаться на Управление информационной политики и по связям с общественностью.
Якшәмбе, 16 февраль 2020, 10:43