Яр Чаллыда Шәһәр Советының XXXVIII утырышы узды. Ул шәһәр мэры Наил Мәһдиев рәислегендә үтте. Депутатлар көн тәртибендәге алты мәсьәләне карадылар, шуларның берсе-2019 елда Яр Чаллы шәһәре муниципаль берәмлеге бюджеты үтәлеше турындагы мәсьәлә иде. Әлеге темага доклад белән Башкарма комитет җитәкчесе урынбасары, Финанс идарәсе башлыгы Ирина Сәгыйдуллина чыгыш ясады.
Ул хәбәр иткәнчә, 2019 елда шәһәр бюджеты керемнәре 9 млрд 998 млн сум тәшкил иткән. 2018 елда үсеш темпы 105,4% иде. Керемнәр структурасында үз керемнәре 51%, бюджетара трансфертлар 49% тәшкил итте. 2019 елда салым һәм салым булмаган керемнәр буенча план билгеләнешләре 103,4% ка үтәлгән. "Шәһәр бюджеты керемнәрендә төп урынны физик затлар кеременә салым алып тора. Физик затлар кеременә салым бюджетка 2 млрд 480 млн сум күләмендә кергән, узган ел белән чагыштырганда 5,8%ка арткан. Салым буенча план күрсәткечләре 103%ка үтәлгән. Республиканың консолидацияләнгән бюджетына керемнәр узган ел дәрәҗәсеннән 510 млн сумга яки 5,4% ка артып китә", - дип билгеләп үтте Финанс идарәсе башлыгы.
2019 елда шәһәр бюджеты чыгымнарын үтәү 10 млрд 195 млн сум, үсеш-392 млн сум дәрәҗәсендә. Бюджетның төп өлеше хезмәт хакын түләүгә туры килә һәм ул 64% тәшкил итә. 2019 елда социаль чыгымнарга 375 млн сум җибәрелгән, бу 2018 ел хисабына карата 120% үсеш белән бара. Керемнәр буенча план билгеләнешләре үтәлгән һәм арттырып үтәлгән, шәһәр бюджетының чыгым йөкләмәләре тулы күләмдә башкарылган. Шулай итеп, бюджет параметрлары 9 млрд 997 млн 647 мең сум, чыгымнар буенча 10 млрд 195 млн 155 мең сум тәшкил итте. Наил Мәһдиев, докладчының чыгышын шәрехләп, болай диде: "Барлык предприятиеләр, оешмалар һәм учреждениеләр шәһәр бюджетын тулыландыруга һәм планлаштырылган барлык социаль программаларны үтәүгә лаеклы өлеш керттеләр. Татарстан Республикасы Президенты Рөстәм Нургали улы Миңнехановка рәхмәт, ил җитәкчелегенә сәламәтлек саклау, мәдәният, мәгариф һәм шәһәр хуҗалыгының башка тармакларында гамәлгә ашырылган мөһим проектларга ярдәм итүләре өчен рәхмәт. Бюджет үтәлеше һәм муниципалитет алдында торган барлык бурычларны үтәү планында ел уңышлы булды".
Моннан тыш, депутатлар «Татарстан Республикасы Чаллы шәһәре муниципаль берәмлеге Уставына үзгәрешләр кертү турында» шәһәр Советы карары проекты буенча җәмәгать тыңлауларының датасын килештерделәр. Алар 29 апрельдә 14:00 сәгатьтә мэриянең 400 залында узачак. Шулай ук шәһәр административ комиссиясе составына үзгәрешләр кертелде. Федераль законнардагы үзгәрешләр белән бәйле рәвештә, депутатлар муниципаль берәмлек эшчәнлеген регламентлаучы һәм чиста редакцион характердагы закон актларына төзәтмәләр кертте.При использовании информации просьба ссылаться на Управление информационной политики и по связям с общественностью.
Чәршәмбе, 18 март 2020, 17:17