Наил Мәһдиев "Тэмпо" Кама металлургия комбинаты эшчәнлегенә халыкның зарлануы сәбәпле, Әҗмәкәй авылында яшәүчеләр белән очрашты. Авылны активистлар, 20ләп кеше тәкъдим итте. Алар комбинат ягыннан килгән тавыш, ис, төтенгә бәйле мөрәҗәгатьләр белән күп тапкырлар чыкканнар иде. Инициатив төркем әгъзаларын завод территориясендә каршы алдылар, анда тавышны йотучы диварны күрсәттеләр.
"Тэмпо" холдинг компаниясенең генераль директоры Фаил Шәрифуллин газ чистарту һәм тавыш йоту корылмалары системалары турында сөйләде. Шулай итеп, биредә 2016 елда 400 млн сумлык газ чистарту җиһазлары комплексы урнаштырылган, 2017 елда газ чистарту җиһазлары системасын модернизацияләү үткәрелгән, 2018 елда газ чистарту корылмасы периметры буенча тавыш йотучы стеналар куелган.
«Без басып торган урын тавыш иң көчәйгән урыннарның берсе, бирегә әле тавыш йотучы дивар һәм глушительләр куелды. Без монда тавыш таратуны тоткарлаучы өстәмә экран урнаштырачакбыз. Шулай ук цехларда өстәмә тавыштан саклау диварларын куярга булдык. Төнлә булган тавышны бетердек», - дип аңлатты Фаил Шәрифуллин.
Хәлне нәтиҗәлерәк һәм җентекле тикшерү өчен, шәһәр мэры Наил Мәһдиев катнашучыларны түгәрәк өстәл форматында сөйләшүгә чакырды. Ул, сүз уңаенда, әлеге очрашуның инициаторы булды: «Яшерен әйбер юк. Техник киңәшмә үткәрелде, анда без, поселок янәшәсендәге барлык заводларның эшен исәпкә алып, тавышны тулысынча үлчәргә дигән карар кабул иттек. Шулай ук завод эшләмәгәндә дә табигый фонны карап, тавышны үлчәргә кирәк. Берничә вариантта тагын бер кат үткәрергә үлчәүләр чикләрендә санитар-яклау зонасы, анда, сез кайда яшисез. Сез яшәгән җирдә санитар-яклау зонасы чикләрендә берничә вариациядә, тагын берничә тапкыр үлчәп карарга кирәк булачак. Сезнең белән бергә барысын да эшләячәкбез. Тулысынча завод туктатып торырбыз, сез карарсыз. Безгә хаклык кирәк», - диде ул, халыкка мөрәҗәгать итеп.
Очрашуда шулай ук Татарстан буенча баш дәүләт санитар табибы Марина Патяшина, Татарстан Экология һәм табигый байлыклар министры вазыйфаларын башкаручы Фаяз Шакиров катнашты. Алар да үз фикерләрен әйттеләр. "Без санитар-саклау зонасы чигендә үз вакытында лаборатор контроль үткәрү кебек кайбер моментларны күрсәттек, тавыш чыгара торган һәм тавышны йота торган экраннар буенча технологик карарлар карау кирәклеген белдердек, эш режимының үзгәрүен таләп иттек. 13 марттан, предприятие гамәлләренә төзәтүне исәпкә алып, соңгы атна дәвамында төнлә тавышка мөрәҗәгатьләр булмады. Безнең хезмәт тарафыннан предприятиегә бирелгән барлык күрсәтмәләр дә үтәлгән", - дип хәбәр итте Марина Патяшина.
Шәһәр башлыгы бер проблеманы хәл итә алганын искә төшерде - Әҗмәкәй авылы янында урнашкан Тогаев чүплеге турында сүз барды. "Бу эшкә дүрт ел сарыф ителде, моңа без 168 млн сум акча җәлеп итә алдык. Рөстәм Нургалиевич Миңнехановтан ярдәм сорадык, безне ишетте. Һәм монда без сезнең фикерегезне, объектив үлчәмнәрне исәпкә алып, әлеге мәсьәләне хәл итәргә телибез. Шуның өчен җыелыштык та", - дип өстәде Наил Мәһдиев.
Әҗмәкәй халкы да үз фикерләрен әйттеләр. Атмосферага зыян салудан тыш, кешеләрне парковка мәсьәләсе дә борчый – автомобильләр йөрергә, юлларны чистартуга, зиратка керергә комачаулый. "Тэмпо" заводы җитәкчелеге билгеләп үткәнчә, бу юнәлештә эшләр алып барыла. Бер ел элек бу максатлар өчен җир участогын рәсмиләштерү башланган иде инде. Мэр Наил Мәһдиев үз чиратында бу мәсьәләдә халыкны хуплады, әлеге мәсьәләне тиз арада хәл итү кирәклеген билгеләп үтте. Авыл халкы урман утыртуны оештыру фикере белән чыкты. Бу идеяне дә Наил Мәһдиев уңай кабул итте.
«Без, беренче чиратта, сезнең белән уртак фикергә килүне телибез. Бу күпсанлы тикшерүләрнең завод эшчәнлеген тоткарлавын аңлыйбыз. Безне ишетүегезне һәм конкрет чаралар күрүегезне сорыйбыз. Бу тавыш йотучы диварлар, экраннар урнаштыру өчен күпме көтәргә кирәклеген белергә телибез. Аннары нәтиҗәсен бәяләргә. Нәтиҗә булмаса, алга таба да проблема өстендә бергәләп эшләргә кирәк», – дип белдерде инициатив төркем әгъзасы Юлия Заидова.
Бүгенге көндә "Темпо" җитештерү мәйданчыкларында зур йөк үзбушаткычлары өчен электротехника продукциясе, коммерция техникасы өчен автокомпонентлар, төзелеш металлоконструкцияләре, эретеп ябыштыру балкалары, арматура җитештерелә.
При использовании информации просьба ссылаться на Управление информационной политики и по связям с общественностью.
Чәршәмбе, 25 март 2020, 10:21