2020 елның 28 мартыннан Россия төбәкләрендә коронавирус ситуациясе нәтиҗәсендә чикләү чаралары кертелде. «Россия пенсионерлары берлеге»нең Чаллы бүлекчәсе «Өченче буын университеты» факультетларының белем бирү эшчәнлеген һәм мәнфәгатьләр буенча мини-клубларның эшен туктатты.
Чаллы шәһәрендә Россия Пенсионерлар берлеге советы рәисе, шәһәр Советы депутаты Эдуард Фәттахов үз-үзеңне изоляцияләү режимы булган чорда «Финанс грамоталылыгы» факультетына тупланган төркемнәрне дистанцион укытуга күчерү турында Карар кабул итте. Укытучы Зоя Гаус тарафыннан җайлаштырылган укыту программасы һәм дәресләр расписаниесе әзерләнгән иде.
Яр Чаллыда 6 апрельдә өченче яшь университетының өч төркемнең беренчесендә финанс грамоталылыгына дистанцион уку башланды. Әлеге курста Чаллы пенсионерлары «Интернетта товарлар һәм хезмәтләр өчен куркынычсыз түләү», «Банк карталары белән эшләү», «Саклык банкының шәхси кабинеты», «Татарстан хезмәтләре Порталы аша түләү» юнәлешләре буенча актуаль мәсьәләләрне өйрәнәләр.
8 апрельдә массакүләм мәгълүмат чаралары вәкилләре өчен дистанцион дәрес презентациясе үткәрелде, анда өлкән яшьтәге студентларны дистанцион укыту алгоритмы тәкъдим ителде.
«Россия пенсионерлары берлеге» Чаллы шәһәрендә алга таба өлкән буынны ике программа буенча укытырга планлаштыра – бу «Планшет белән эшләү» һәм «Финанс грамоталылыгы».
При использовании информации просьба ссылаться на Управление информационной политики и по связям с общественностью.
Пәнҗешәмбе, 9 апрель 2020, 14:50