Россия Сәнәгать һәм сәүдә министрлыгы моношәһәрләрдә шәһәр барлыкка китерүче предприятиеләр исемлеген, аларны система барлыкка китерүче предприятиеләр исемлегенә кертү мөмкинлеген карау өчен, Россия Икътисадый үсеш министрлыгына җибәрәчәк. Россия Икътисадый үсеш министрлыгы, үз чиратында, билгеләнгән тәртиптә, алга таба карау һәм раслау өчен, Россия икътисадының тотрыклылыгын арттыру буенча Хөкүмәт комиссиясенә исемлекне тәкъдим итәчәк.
Бу хакта Россия Федерациясе Сәнәгать һәм сәүдә министры Денис Мантуровның Дәүләт Думасы Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары, Моношәһәрләрне тотрыклы үстерү буенча эксперт советы рәисе Әлфия Когогинадан җибәрелгән депутат соравы буенча җавабында әйтелә.
"Бүген моношәһәрләрдәге вәзгыять чагыштырмача тотрыклы, әмма социаль-икътисадый вәзгыятьнең начараю куркынычы саклана. Шәһәр барлыкка китерүче предприятиеләр еш кына өзлексез цикл җитештерүләре булып тора, аларда хезмәткәрләр саны шактый. Әгәр нинди дә булса завод тулысынча тукталса, ул янәдән аякка баса алмаячак һәм аңа федераль ярдәм кирәк булачак. Мондый очракка Сәнәгать һәм сәүдә министрлыгының һәм икътисадый үсеш министрлыгының ведомствоара планы әзер булырга тиеш", – дип билгеләп үтте парламентарий.
При использовании информации просьба ссылаться на Управление информационной политики и по связям с общественностью.
Якшәмбе, 3 май 2020, 16:20