2020 елның 1 гыйнварыннан Россиядә электрон хезмәт кенәгәсе кертелде, ләкин хезмәт кенәгәсенең яңа форматына күчү ирекле төсмер ала һәм кәгазь кенәгәсен күпме кирәк, шуның кадәр саклап калырга мөмкинлек бирә.
Эш бирүчеләргә 2020 елның 30 июненә кадәр һәр хезмәткәргә хезмәт эшчәнлеге турында мәгълүматларны электрон рәвештә формалаштыру буенча хезмәт законнарындагы үзгәрешләрне язма рәвештә хәбәр итәргә; хезмәткәргә кәгазь хезмәт кенәгәсен яки электрон вариантны сайлау мөмкинлеге барлыгын җиткерергә кирәк.
Хезмәткәр, үз чиратында, эш бирүчегә кайсы вариантны сайлавы турында язма рәвештә гариза бирергә тиеш.
Әгәр хезмәткәр кәгазь хезмәт кенәгәсен саклап калырга уйлый икән, эш бирүче, электрон китап белән беррәттән, хезмәт эшчәнлеге турында мәгълүматны кәгазь вариантка теркәп баруны да дәвам итә.
Хезмәткәрнең алга таба хезмәт кенәгәсен кәгазьдә алып бару хокукы саклана.
Теләгән очракта, алга таба хезмәткәр эш бирүчегә хезмәт кенәгәсен электрон рәвештә алып бару турында язма гариза бирә ала. Электрон хезмәт кенәгәсен сайлаучыларга эш бирүче хезмәт кенәгәсен кулына бирә һәм аны алып бару һәм саклауны үз өстеннән төшерә.
Шуны истә тотарга кирәк, кулга бирелгән кәгазь кенәгәсе үз көчен саклый һәм электрон китап белән беррәттән кулланылуын дәвам итә. Хезмәткәргә кәгазь кенәгәсен сакларга кирәк, чөнки электрон версиядә 2020 елдан башлап хезмәт эшчәнлеге турында мәгълүматлар гына теркәлә.
2020 елның 31 декабреннән соң беренче тапкыр эшкә урнашучыларның хезмәт эшчәнлеге турындагы мәгълүматлар кәгазь хезмәт кенәгәсен рәсмиләштермичә генә, электрон рәвештә алып барылачак. Электрон хезмәт кенәгәсе буенча мәгълүматны Россия Пенсия фондының www.pfrf.ru сайтында һәм дәүләт хезмәтләре www.gosuslugi.ru сайтында алырга мөмкин.
При использовании информации просьба ссылаться на Управление информационной политики и по связям с общественностью.
Пәнҗешәмбе, 21 май 2020, 12:03