Яр Чаллыда 2 534 кеше эшсезлек буенча максималь пособие ала

 Чаллыда ел башыннан бирле эшсезлек буенча 86 млн 187 мең сум пособие түләнгән. Аларның 30 марттан 62 млн 608 мең сумы түләнде. Эшсезлек буенча максималь пособие-12 130 сум – 2 534 кеше алган. Бу хакта бүген иртәнге киңәшмә барышында «Россия эше» кадрлар үзәге җитәкчесе Татьяна Быданова хәбәр итте.

Аның сүзләренә караганда, бүгенге көндә Кадрлар үзәгендә расланган 2 084 вакансия бар. Эшсезлек буенча исәптә 8 909 кеше тора (30 марттан – 7 429). Эшсезлек дәрәҗәсе – 3,16% тәшкил итә.