«Импортны алыштыру мәсьәләсе буенча Дәүләт Думасы депутатлары РФ сәнәгать һәм сәүдә министры Денис Мантуров белән фикер алыштылар. Киңәшмәдә Дәүләт Советы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина да катнашты.
"Сәнәгать һәм сәүдә министрлыгы импортны алыштыру буенча 23 тармак планын гамәлгә ашыра, алар ярдәмендә элегрәк илдә җитештерелмәгән 920дән артык яңа төр продукция җитештерү үзләштерелде. Бүген импортны алыштыру мәсьәләсе кискенрәк тора. Аның карары аша без үзебезнең җитештерүгә генә түгел, ә иң мөһиме – эш урыннары һәм кешеләр табышына да ярдәм итәргә тиеш. Шуңа бәйле рәвештә министрга мин Сәнәгать һәм сәүдә министрлыгының үз продукциясен чыгаруны стимуллаштыру һәм чит ил товарларына ихтыяҗны яңадан билгеләү өчен ниләр кабул итәргә планлаштыруы турында сорау бирдем. Үзенең җавабында Денис Валентинович министрлык тарафыннан авиация сәнәгатенә ярдәм итү буенча моңарчы күрелмәгән карарлар эшләнүе, шулай ук авыл хуҗалыгы машина төзелешенә, автосәнәгатькә, җиңел сәнәгатькә, сәүдә һәм җәмәгать туклануына, бигрәк тә фермерларга һәм җитештерүнең кече формаларына ярдәм итү планлаштырыла, дип хәбәр итте. Дәүләт Думасына үзебезнең продукциягә ихтыяҗны арттыру өчен, тиздән дәүләт һәм муниципаль органнар, табигый дәүләт монополияләре тарафыннан сатып алуларга кагылышлы 44 һәм 223 номерлы федераль законнарга үзгәрешләр кертеләчәк. Законнарның мондый үзгәрешен дөрес дип саныйм, чөнки «Үз илеңнекен сатып ал!» беренче чиратта федераль, төбәк бюджетлары һәм дәүләт корпорацияләре акчаларын тотканда эшләргә тиеш", – дип хәбәр итте Когогина. РФ сәнәгать һәм сәүдә министры Денис Мантуров катнашында "яңа коронавирус инфекциясе таралуга бәйле үзгәргән икътисадый вәзгыять шартларында сәнәгать тармакларын һәм сәүдә эшчәнлеген тотрыклы үстерүне тәэмин итү чаралары турында" дигән темага Дәүләт Думасында "Хөкүмәт сәгате" 10 июньгә планлаштырыла.
При использовании информации просьба ссылаться на Управление информационной политики и по связям с общественностью.
Сишәмбе, 2 июнь 2020, 09:07