10 июньдә Дәүләт Думасы бурычлыларның мөлкәтен суд приставлары тарафыннан тартып алуга мораторий кертүне күздә тоткан закон проектын беренче укылышта кабул итте. Пандемия нәтиҗәсендә түләнмәгән бурычлар буенча икътисадның иң зыян күргән тармакларыннан пенсионерлар һәм бизнес өчен кичектерү тәкъдим ителә.
Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина новеллага аңлатма бирде: «Закон проектында сүз элек кабул ителгән өстәмә ярдәм чаралары турында бара. Шул ук вакытта мораторий астына пандемия чорында барлыкка килгән йөкләмәләр генә түгел, ә элек суд һәм салым органнары карарлары да эләгәчәк».
Закон проекты нигезендә, суд приставлары бурычлы оешмаларның һәм физик затларның милкен 1 октябрьгә кадәр кулга алу һәм тартып алу хокукыннан мәхрүм. Кредит әҗәтләрен кичектереп тору яшь буенча яки инвалидлык булган пенсионерлар өчен каралган. Иң зыян күргән тармаклардан кече һәм урта бизнес әҗәтләрне түләү буенча кичектерүне судка мөрәҗәгать итмичә генә сорый ала.
При использовании информации просьба ссылаться на Управление информационной политики и по связям с общественностью.
Пәнҗешәмбе, 11 июнь 2020, 11:04