Яр Чаллыда хәзерге вакытта шәһәр маршрутларында 375 берәмлек җәмәгать транспорты йөри: 67 трамвай һәм 308 маршрут автобусы. Бу хакта Башкарма комитет җитәкчесенең беренче урынбасары Илья Зуев хәбәр итте. "Сизелерлек үзгәрешләр күзәтелми. Пассажирлар агымы артмады. Без сан буенча узган атнадагы кебек үк тәшкил итәбез. Хәл тотрыклы кала. Якын арада пассажирлар агымы артмаячак, хәзер яллар һәм каникуллар вакыты", - диде ул.
Моннан тыш, 38 маршрут буенча кешеләрне бакчачылык ширкәтләренә ташу гамәлгә ашырыла. Илья Зуев хәбәр иткәнчә, узган атнада кешеләр транспорт җитмәүгә зарланган, чөнки яңгырлы якшәмбе һәм ял көннәреннән соң сишәмбе көнне дача кишәрлекләренә чыгарга теләгән шәһәрдәшләр саны арткан. «Шәһәрдәшләрдән мондый мөрәҗәгатьләр килеп чыкмасын өчен бу атнада автобуслар күбрәк булачак», – дип вәгъдә итте Башкарма комитет җитәкчесенең беренче урынбасары.
Шәһәр мэры Наил Мәһдиев, үз чиратында, бакчачылык ширкәтләренә пассажирлар йөртүгә ел саен 15 млн сум бүлеп бирелә, шуңа күрә пассажирлар ташу графиклары тулы күләмдә үтәлергә тиеш, дип билгеләп үтте. "Без дача–бакчаларга пассажирлар ташуга җитди финанс ресурслары бүлеп бирәбез. Өстәвенә, бу өлкән буын кешеләре. Без пассажирлар йөртүчеләргә гражданнарыбызны ташыган өчен тулы сумма түлибез. Барысы да билгеләнгән графикларда тулысынча үтәлүен таләп итегез. Барысына да җитәрлек принцибыннан чыгып эш итәргә кирәк", - дип киңәш итте шәһәр башлыгы.
При использовании информации просьба ссылаться на Управление информационной политики и по связям с общественностью.
Дүшәмбе, 15 июнь 2020, 12:03