27 июньдә Яр Чаллыда Яшьләр көнен билгеләп үтәчәкләр. Быел ул онлайн-форматта узачак. Бу көнне "Вконтакте" социаль челтәрендә 17:00 дән 21:00 сәгатькә кадәр шәһәрдәшләребезне онлайн-күңел ачу программасы көтә: фестивальләр, шәһәр артистларының чыгышлары, призлар, шул исәптән "Акульчев"компаниясе тәкъдим иткән iPhone 11 уйнату. Трансляция студиядән, кунаклар, артистлар чакырып, шәһәрдә активлык нокталарын кертеп, Татарстан һәм Россиянең башка шәһәрләре белән тоташтырып алып барылачак. Чаллы халкын Яшьләр көне белән студиядә кунаклар котлаячак, алар - блогерлар-«Татнефть» командасы составында КВН югары лигасы вице-чемпионы, Чаллыда КВН уеннары редакторы Максим Яценко, блогер, модель, стилист-имиджмейкер Ксения Denza Боллая, театр һәм кино актеры Иван Жвакин һәм башкалар. Чаллыда "Нәрсә? Кайда? Кайчан?" элитар клубының бәллүр ябалак һәм бәллүр атом иясе Борис Белозеров белән "Җәй. Яшьлек. Рок-н-ролл" IQ-drive интеллектуаль уены оештырыла. Уенда Студентлар лигасы һәм шәһәрнең эшләүче яшьләр лигасы командалары катнашачак. Ул ZOOM мәйданчыгында узачак һәм дүрт турдан торачак.
Туры эфирда DJ һәм бию JAMы эшләячәк, «L' Art culinaire» кулинария студиясеннән тәмле һәм файдалы ризык әзерләү буенча «Fust-lunch» мастер-классы, «Яшел фитнес» мәйданчыгы да тоташачак. Шулай ук чаллылыларны «Битлекләр FEST»фестивале дә көтә.
1.jpg)
При использовании информации просьба ссылаться на Управление информационной политики и по связям с общественностью.
Пәнҗешәмбе, 25 июнь 2020, 13:00