4 июльдә Хөкүмәтнең рөхсәт ителгән икътисадый эшчәнлек төрләре буенча резидентлар өчен, моношәһәрдә ТОСЭР территориясендә инвестицион проектларны гамәлгә ашыру кысаларында тыелган икътисадый эшчәнлек төрләре исемлегеннән тыш, чикләүләрне бетерүне күздә тоткан 614 нче карарына үзгәрешләр үз көченә керде.
Моношәһәрләрне тотрыклы үстерү буенча Эксперт советы рәисе, Дәүләт Думасының Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина билгеләп үткәнчә, үзгәрешләр моношәһәрләрдә ТОСЭР эшчәнлеген гамәлгә ашыру шартларын яхшыртырга мөмкинлек бирәчәк. "Бу алар икътисадының монопрофильлеген киметергә ярдәм итәчәк. Мәсәлән, урман әзерләү, тәмәке эшләнмәләре җитештерү һәм башка тыелмаган нәрсә, рөхсәт ителгән принцибы буенча тормышка ашырыла", – диде Әлфия Когогина.
Яңа югары җитештерүчәнлекле эш урыннары булдыру, инвестицияләр җәлеп итү һәм моношәһәрләргә бәйлелектән китү максатларында федераль закон тарафыннан алгарышлы социаль-икътисадый үсеш территорияләрен булдыру рөхсәт ителә. Әлеге механизмны гамәлгә ашырганда, практикада күп кенә сораулар туа, алар Дәүләт Думасының икътисад буенча комитеты каршындагы Эксперт советы тарафыннан берничә тапкыр күтәрелгән.
"Проблемаларның берсе-яңа резидентлар өчен рөхсәт ителгән ОКВЭДлар алуның катлаулы булуы, бюрократлаштырылган процедурасы. Преференциаль режимлы территория төзелгәндә, төбәк ОКВЭД исемлеген күрсәтә, алар буенча резидентлар эшчәнлек алып барачак. Игълан ителгән исемлеккә кермәгән яңа инвестор пәйда булган очракта, төбәкләргә яңадан гариза бирергә һәм РФ Хөкүмәте Карарының үзгәрүен көтәргә туры килде. Моңа озак айлар, елга кадәр вакыт китә. Әлеге катлаулы бюрократик процедураны юкка чыгару турында регионнар, моношәһәрләр башлыклары Эксперт советы утырышларында күптән сорадылар", - дип ассызыклады Әлфия Когогина.
Шуның белән бергә, яңа Хөкүмәт тәртибен гамәлгә ашыру өчен, Россия Федерациясе субъектларына барыбер ТОСЭР булдыруга бирелгән гаризаның эчтәлеге һәм күләме буенча тулы күләмдә гариза бирергә туры киләчәк. РФ Хөкүмәтенең ТОСЭР булдыру турындагы конкрет карарны үзгәртү турында яңа карары кабул ителгәнче, резидентлар рөхсәт ителгән ВЭДларны гына тормышка ашыра алачак.
Россия Федерациясе Хөкүмәтенең 2015 елның 22 июнендәге 614 номерлы карарына үзгәрешләр белән шулай ук ТОСЭР резидентының шәһәр төзүче оешма белән хезмәттәшлеге мәсьәләсе җайга салынды. Инвестицион проектны гамәлгә ашыру кысаларында ТОСЭР резиденты шәһәр төзүче оешма һәм аның бүлендек оешмалары белән, инвестиция проектын гамәлгә ашыру нәтиҗәсендә алына торган барлык керемнең 50%тан артмаган очракта, шартнамәләр төзергә хокуклы.
При использовании информации просьба ссылаться на Управление информационной политики и по связям с общественностью.
Дүшәмбе, 6 июль 2020, 14:38