Эссе һавада Яр Чаллыда юлларга су сибү эше көчәйтелә. Көн саен шәһәр проспектларында 10-12 су сибү машинасы эшли. Моннан тыш, 12 берәмлек себерү-чистарту техникасы җәлеп ителгән, шуларның алтысы вакуумлы тузан суырткыч. Юл йөрү өлешенә даими рәвештә су сибү асфальтны суытырга һәм шул рәвешле колея барлыкка килүгә каршы торырга мөмкинлек бирә.
«Безнең бурыч – юл полотносының пычрануын бетерү. Моның өчен без чистарту машиналарын кулланабыз. Башта тузан һәм пычрактан арындырабыз. Аннары
өстәмә рәвештә су сиптерү машиналары кулланабыз, алар су сиптерәләр.
Асфальт битумнан тора. Турыдан-туры кояш нурлары эләккәндә ул йомшару үзлегенә ия, болар барысы да юл полотносы деформацияләнүгә китерә», -
дип аңлатты «ПАД» МУП директорының Транспорт һәм эксплуатацияләү буенча
урынбасары Илшат Гыйлмиев.
Тукталыш павильоннарын чиста итеп тоту өчен, аларны реклама игъланнарыннан арындыралар.
При использовании информации просьба ссылаться на Управление информационной политики и по связям с общественностью.
Сишәмбе, 14 июль 2020, 11:41