Бүген Дәүләт Думасының Икътисадый сәясәт, сәнәгать, инновацион үсеш һәм эшмәкәрлек комитеты утырышында депутатлар кече һәм урта эшмәкәрлеккә ярдәм итү буенча кайбер мәсьәләләрне карадылар. МСП корпорациясе генераль директоры Александр Браверман, РФ ССП президенты Сергей Катырин, «Опора России» беренче вице-президенты Владислав Корочкин, РФ Икътисадый үсеш министрлыгы вәкилләре мәгълүматын тыңладылар. Күтәрелгән темаларның берсе – кече һәм урта эшмәкәрлек һәм социаль юнәлешле коммерциячел булмаган оешмалар өчен профилактика, дезинфекция чараларына субсидияләр. Ул 2020 елның 2 июлендәге 976 номерлы РФ Хөкүмәте Карары нигезендә 2020 елның 15 июленнән биреләчәк.
Субсидия алуның төп шартлары: - 2020 елның 10 июненә предприятие кече һәм урта эшмәкәрлек субъектларының Бердәм реестрына кертелергә тиеш; - социаль юнәлешле коммерциячел булмаган оешмалар коммерцияле булмаган оешмалар реестрына кертелергә, ә оешуы төп эшчәнлек төре буларак күрсәтелергә тиеш; - тау чаңгысы трассалары, пляжлар һәм кунакханәләрнең (аларның номерлары 100 номердан артмаган) хуҗалары 2020 елның 10 июненә туристлык индустриясе классификацияләнгән объектларының бердәм исемлегенә кертелергә тиеш; - оешма бетерү процессында булырга яки банкротлык процедурасын узарга тиеш түгел; - 2020 елның 1 июненә салымнар һәм иминият взнослары буенча недоимка (салымнар һәм иминият взнослары буенча артык түләүне исәпкә алып) 3 мең сумнан артмаска тиеш.
Субсидия алу өчен оешма урнашкан урын буенча салым органына гариза
җибәрергә яки электрон формада салым түләүченең шәхси кабинеты аша
гариза тапшырырга кирәк.
Субсидия 2020 елда бер тапкыр түләүсез нигездә бирелә.
При использовании информации просьба ссылаться на Управление информационной политики и по связям с общественностью.
Сишәмбе, 14 июль 2020, 17:17