Яр Чаллыда эшсезлек дәрәҗәсе 4,07% тәшкил итә. Бу хакта иртәнге киңәшмә барышында "Рәсәй эше" кадрлар үзәге җитәкчесе Татьяна Быданова хәбәр итте. Мәшгульлек үзәге банкында 4701 вакансия бар, шуларның 3844 расланган. «Рәсәй эше» порталында 810 предприятие теркәлгән. Татьяна Быданова сүзләренә караганда, ел башыннан үзләренә туры килгән эшне эзләү максатыннан кадрлар үзәгенә мөрәҗәгать итүчеләр саны 16 503 кеше тәшкил итә, бүгенге көндә 11 471 кеше эшсезләр рәвешендә теркәлгән.
Ул билгеләп үткәнчә, ел башыннан 242 млн 242 мең сум түләнгән, шуның 218
млн 663 мең сумы 30 марттан соң. Эшсез ата-аналарга һәр бала башыннан 7834 сум түләнгән, барлыгы 72 млн 617 мең сум күләмендә ярдәм күрсәтелде. Андый ата-аналар саны 4 931 кеше исәпләнә.
При использовании информации просьба ссылаться на Управление информационной политики и по связям с общественностью.
Дүшәмбе, 20 июль 2020, 09:22