Яр Чаллыда Шәһәр Советына депутатлыкка кандидатлардан документлар кабул итү тәмамланды (+видео)

Яр Чаллыда IV чакырылыш Шәһәр Советына депутатлыкка кандидатлардан документлар кабул итү тәмамланды. Бу хакта бүген шәһәр Үзәк районының территориаль сайлау комиссиясе рәисе Азат Фәтхетдинов хәбәр итте. "13 сентябрьдә Татарстан Республикасы президентын, шулай ук Шәһәр Советына депутатлар сайлау булачак. Шәһәр Советына сайлаулар катнаш система буенча узачак, ягъни бер мандатлылар һәм партияләр катнашачак. Шәһәрнең вәкиллекле органында 45 урыны бар, аларның 22се – бер мандатлы округлардан, 23е - партияләрдән», - диде ул.

Азат Фәтхетдинов билгеләп үткәнчә, кандидатларны тәкъдим итү инде тәмамланган, якшәмбе көнне документларны рәсми кабул итү вакыты чыккан. Яңгыраган мәгълүматларга караганда, округ комиссияләре функцияләрен өч территориаль сайлау комиссиясе башкарачак: Комсомол районында – 6 округ, Үзәк районында – 9, Автозавод районында-7. "Бер мандатлы округлар буенча бирелә торган барлык документлар территориаль билге буенча территориаль сайлау комиссияләренә тапшырылачак: 1дән 6 округ – Комсомол районы буенча, 7дән 16 округ – Үзәк районы буенча, калганнары – Автозавод территориаль сайлау комиссиясе", - дип аңлатты ул.

Комсомол районы буенча аның сүзләреннән – 29, Үзәк район буенча – 40, Автозавод районы буенча 36 кандидат тәкъдим ителде. "Кандидатлар әле теркәлү үтәчәк. Ничә кеше теркәлсә, сайлауларда шул кадәр кеше катнашачак. Мин әйтеп киткән мәгълүматлар – Шәһәр Советы депутатлары булырга теләк белдерүчеләр. 10 көн дәвамында без тәкъдим ителгән документларны карап тикшерәчәкбез һәм аларны теркәү яки теркәүдән баш тарту турында карар кабул итәчәкбез", - дип шәрехләде Азат Фәсхетдинов.