Яр Чаллыда «Иң яхшы яшьләр оешмасы җитәкчесе» конкурсы РФ Дәүләт Думасы депутаты Әлфия Когогинаның исемле стипендиясе тапшырудан гыйбарәт. Эшче яшьләр лидерлары арасында бәйге менә инде өченче ел рәттән автокала предприятиеләре һәм оешмаларының яшьләр Советы тарафыннан, «Заман» яшьләр үзәге базасында үткәрелә.
Быел конкурс комиссиясенә яшьләр берләшмәләре лидерларыннан, 35 яшькә кадәрге яшьләр белән эшләү буенча белгечләреннән 10 заявка керде. Конкурс документациясен өйрәнгәннән соң финалга 5 кандидат кертелде, аларның гаризалары һәм портфолиолары нигезнамәнең барлык таләпләренә туры килде.
Финал этабында онлайн режимда үз эшчәнлеген тәкъдим иттеләр: Олеся Левкина – «Сугыш ветераннары өчен Госпиталь» ДАССО, Эльвира Сатдарова – «ДОМКОР» махсуслаштырылган төзүче, Виталий Скачков – «Татэнерго» АҖ филиалының Чаллы ТЭЦы, Нәргиз Мөгыйнов – «Челны-Бройлер» ҖЧҖ, Эльвира Мөхәммәтова – «КАМАЗ» ААҖ пресс-рама заводы.
Әлфия Когогина үзе эксперт һәм эшләүче яшьләр лидерларының остазы сыйфатында конкурста шәхсән катнашты. Сайлап алу турлары нәтиҗәләре буенча өч номинациядә җиңүчеләр билгеләнде.
«Предприятиедә яшьләр саны буенча 100гә кадәр хезмәткәре булган иң яхшы яшьләр оешмасы җитәкчесе» номинациясендә – Олеся Левкина җиңү яулады. «Предприятиедә яшьләр саны буенча 100дән 500гә кадәр хезмәткәре булган иң яхшы яшьләр оешмасы җитәкчесе» номинациясендә – Виталий Скачков, «Предприятиедә яшьләр саны буенча 500дән һәм аннан күбрәк хезмәткәре булган иң яхшы яшьләр оешмасы җитәкчесе» номинациясендә Нәргиз Мөгыйновлар иң яхшылары дип табылды.
Җиңүчеләргә Россия Федерациясе Дәүләт Думасы депутаты Әлфия Когогинаның
Рәхмәт хатлары һәм 30 мең сум күләмендә исемле стипендиясе
тапшырылачак. Бүләкләү эпидемиологик хәл яхшырганнан соң шәһәр
бәйрәмнәренең берсендә узачак.
При использовании информации просьба ссылаться на Управление информационной политики и по связям с общественностью.
Чәршәмбе, 22 июль 2020, 08:19