Россия Федераль салым хезмәтенең Татарстан Республикасы Чаллы шәһәре буенча Идарәсе искәртүенчә, 30 июльгә кадәр гражданнар 2019 елда алынган керемнәр турында хисап тотарга тиеш.
3-НДФЛ формасы буенча декларацияне үз исәпкә алу урыны буенча салым органына тапшырырга кирәк. 2019 елда салым түләүче милектә минималь сроктан кимрәк булган күчемсез милек саткан, якын туганнарыннан кыйммәтле бүләкләр алган, лотереяда откан яки чит ил чыганакларыннан табыш алган очракта, моны эшләргә кирәк. 2019 елда алынган керемнәрне шулай ук шәхси эшмәкәрләр, нотариуслар, шәхси практика белән шөгыльләнүче адвокатлар, адвокат кабинетларын гамәлгә куйган адвокатлар һәм шәхси практика белән шөгыльләнүче башка затлар декларацияләргә тиеш.
Салым инспекциясе декларацияне тапшыруның иң чиге 30 июльдә салымга тотып калынган акчаны алуга кагылмый дип игътибар итә. Аларны алу өчен декларацияне ел дәвамында теләсә кайсы вакытта җибәрергә мөмкин.
Россия Федераль салым хезмәте сайтында «Физик затлар өчен шәхси кабинет» сервисы ярдәмендә 3-НДФЛ декларациясен онлайн тутыру уңайлырак www.nalog.ru - мәгълүматларның күп өлеше инде үтәлгән.
Шулай ук декларацияне iOS һәм Android өчен дә мөмкин булган «Физик затлар өчен салымнар» мобиль кушымтасы аша да тапшырырга мөмкин. «Физик затлар өчен шәхси кабинет»ка керүне дәүләт хезмәтләре бердәм порталының расланган хисап язмасы ярдәмендә башкарырга мөмкин.
Салымны 2020 елның 15 июленнән дә соңга калмыйча түләргә кирәк. 16 июльдән НДФЛны түләү вакыты чыккан һәр көн өчен Россия Банкының рефинанслау ставкасының 1/300 өлешеннән чыгып пенялар исәпләнә.
2019 ел өчен 3-НДФЛ буенча салым түләү срогы буенча искәрмәне COVIDтан аеруча зыян күргән һәм 2020 елның 1 мартына кече һәм урта эшмәкәрлек субъектлары реестрына кертелгән шәхси эшмәкәрләр тәшкил итә. Алар өчен Россия Федерациясе Хөкүмәтенең 2020 елның икенче апрелендәге 409 нчы карары нигезендә 2019 ел өчен НДФЛ түләү срогы өч айга - 2020 елның 15 октябренә кадәр озайтылды.
При использовании информации просьба ссылаться на Управление информационной политики и по связям с общественностью.
Сишәмбе, 28 июль 2020, 16:05