Башкарма комитет җитәкчесе Фәрит Сәлахов сөйләвенчә, бүген шәһәрдә 22 маршрут эшли. 11 трамвай маршрутында 73 трамвай хәрәкәт итә, 11 автобус маршрутында - 300 автобус. "Февраль аенда кыска вакыт эчендә автобуслар сатып алу һәм "Электротранспорт" МУП автобуслары чыккан алты маршрут буенча кабат аукцион үткәрү планы булды. Март аенда яңа коронавирус инфекциясе белән бәйле хәл башланды. Ул, әлбәттә, тормышыбызның барлык мизгелләренә, шул исәптән транспорт белән бәйле булуына да йогынты ясады. Пассажирлар агымы бик зур кимеде һәм ул вакытта булган транспорт – 300 автобус һәм 73 трамвай берәмлеге тулысынча файдаланылмаган. Бу, әлбәттә инде, пассажирлар ташучыларның югалуларына да, икътисадый модельләргә дә йогынты ясады. Зур автобуслар буенча планны без япмыйбыз, ул кала. Теләсә кайсы очракта без аны эшләячәкбез!" – дип аңлатты Фәрит Сәлахов.
Шуны да билгеләп үтәргә кирәк, хәзерге вакытта шәһәрдә «Газель «Next
CITY LINE» маркалы түбән идәнле автобус йөри. Тагын ике шундый ук
автобус шәһәр маршрутларына рөхсәт документларын рәсмиләштергәннән соң
чыгарга әзерләнә. Шәһәр җитәкчелеге ноябрьгә автобуслар санын 50гә
җиткерергә планлаштыра.
Моннан тыш, трамвай маршрутларында түбән идәнле 20 вагон бар. «Чаллы
транспорты» мобиль кушымтасында маршрутлар буенча трамвай вагоннары
хәрәкәтен күзәтеп була. Түбән идәнле трамвайлар кызгылт сары төс белән күрсәтелгән. Хәзер трамвай хәрәкәтен "Яндекс.Карты" аша
да күзәтеп була.
При использовании информации просьба ссылаться на Управление информационной политики и по связям с общественностью.
Пәнҗешәмбе, 30 июль 2020, 15:33