Бүген капиталь ремонттан соң тантаналы рәвештә «Ровесник» яшьләр-яшүсмерләр
клубы ачылды. Чарада Чаллы шәһәре мэры Наил Мәһдиев катнашты.
Ремонт бәясе 2 млн 700 мең сум тәшкил иткән, шуның 440 мең сумы үзәкнең матди-техник базасын ныгытуга юнәлдерелгән.
Мэр педагоглар белән аралашты. Александр Трещеткин билгеләп үткәнчә, аның дәресләрендә балалар төрле уен коралларында өйрәнәләр - яшьләрнең кызыксынуы бар - 40лап кеше язылган.
Клубның икенче залы бию дәресләре өчен билгеләнгән һәм биредә зумба үткәреләчәк.
Бүген "Ровесник" яшүсмерләр-яшьләр клубында 100гә якын кеше шөгыльләнә.
Аерым алганда, балаларны барабан, вокал, хореография, театр осталыгына,
видеога төшерүгә өйрәтәләр. Бу якын-тирә комплексларда
яшәүчеләр генә түгел: 42,43,44 комплекс, чаллылылар һәм ЗЯБ һәм ГЭС
бистәләрендә яшәүчеләр дә.
Клубның тагын бер залы вокал дәресләре өчен билгеләнгән, социаль
челтәрләрдә видеога төшерү, монтажлау һәм алга этәрү буенча дәресләр дә
оештырылачак. Шулай итеп, журналистлар шәһәр мэрыннан кечкенә генә
интервью алдылар.
Яшүсмерләр клубларын ремонтлау Татарстан Республикасы президенты Рөстәм
Миңнеханов инициативасы белән республика программасы кысаларында
башкарыла. Программа 2015 елда старт алды һәм безнең шәһәрдә бу вакыт
эчендә 25 яшүсмерләр клубы ремонтланды (барысы 26).
При использовании информации просьба ссылаться на Управление информационной политики и по связям с общественностью.
Чәршәмбе, 5 август 2020, 17:24