Россия Федераль салым хезмәтенең Чаллы шәһәре буенча идарәсе Россия Федерациясе Хөкүмәтенең 2020 елның 2 июлендәге 976 номерлы карары нигезендә зыян күргән тармакларда эшләүче оешмалар һәм шәхси эшмәкәрләр, шулай ук билгеле бер шартларга җавап бирүче социаль юнәлешле коммерциячел булмаган оешмалар COVID-19ны профилактикалауга субсидия алу өчен гариза бирә алалар (КНД 1150108).
Гариза тапшыруның соңгы көне 15 августка туры килә, ул ял көне булганлыктан, аны 17 августтан да соңга калмыйча, юридик затның факттагы урыны яки шәхси эшмәкәрнең яшәү урыны буенча салым органына җибәрергә кирәк. Электрон форманы телекоммуникацион элемтә каналлары аша яки «салым түләүченең шәхси кабинеты» аша, ә кәгазь формада - шәхсән яки почта аша тапшырырга мөмкин.
Инспекция субсидия 2020 елда яңа коронавирус инфекциясен профилактикалау буенча чаралар үткәрүгә бәйле чыгымнарны өлешчә компенсацияләү өчен бер тапкыр бирелә дип игътибар итә. Аның күләме 15 мең сум, шулай ук 2020 елның маенда һәр хезмәткәргә 6,5 мең сум тәшкил итә. Әгәр шәхси эшмәкәрнең ялланган хезмәткәрләре юк икән, субсидия күләме 15 мең сум тәшкил итәчәк.
Россия Федераль салым хезмәте сайтында "Профилактика һәм дезинфекция чараларына субсидия алу" дигән промо-бит урнаштырылган, ул кемнәргә тиеш, аны ничек алырга мөмкин булуы турында шунда белергә була.
При использовании информации просьба ссылаться на Управление информационной политики и по связям с общественностью.
Шимбә, 15 август 2020, 09:47