Хәзерге вакытта Яр Чаллыда эшсезләр сыйфатында 17181 кеше теркәлгән. Яр Чаллыда эшсезлек дәрәҗәсе 4,32 % тәшкил итә. Әлеге мәгълүматларны "Рәсәй эше" кадрлар үзәге җитәкчесе Татьяна Быданова җиткерде. Бүген кадрлар үзәгенең мәгълүматлар базасында 5 236 вакансия бар, шуларның 4 528е расланган. «Без хәзер җомга көннәрендә саф һавада мини-ярминкәләр үткәрә башладык, анда 5-6 предприятие катнаша. Шулар арасында мәктәп һәм балалар бакчаларыннан тәкъдим ителгән вакансияләр дә бар», – дип сөйләде Татьяна Быданова.
30 марттан алып бүгенге көнгә кадәр «Рәсәй эше» кадрлар үзәгенә 17 672 Чаллы кешесе мөрәҗәгать иткән.
При использовании информации просьба ссылаться на Управление информационной политики и по связям с общественностью.
Дүшәмбе, 17 август 2020, 09:27