30 августта Яр Чаллы шәһәрендә Татарстан Республикасы көнен һәм Шәһәр көнен бәйрәм итәчәкләр. Бу вакыйга уңаеннан бәйрәм чаралары шәһәрнең өч районында, алты ачык мәйданчыкта оештырылачак.
9:00 сәгатьтә шәһәр ипподромы территориясендә «ТАССРның 100 еллыгы» кубогына милли көрәш башлана. Чара программасында-балалар һәм өлкәннәр
өчен халык уеннары: капчык киеп йөгерү, капчык белән сугышу, күңелле эстафета, аркан тартышу һәм башкалар.
10:00 сәгатьтә «ТАССРның 100 еллыгы» кубогына ат-спорт ярышлары (ат чабышлары) башлана.
11:30 сәгатьтә «Азатлык» мәйданында «Кызыл тау» мәдәният үзәге һәм «Болгар» бию театрының «Мәңге яшә, Ватаным – Татарстан Республикасы» дигән бәйрәм концерт программасы оештырыла.
12:30дан бәйрәм концертларының чираттагысы шәһәр ипподромында дәвам итәчәк.
Г. Тукай исемендәге яр буенда 14:00 сәгатьтә «Чәчәк ат, Туган ягым» дигән
матур концерт-күңел ачу программасы узачак. Чаллылылар өчен «Чишмә»
Халыклар дуслыгы йортының милли җәмгыятьләре солистлары һәм иҗат
коллективлары, шулай ук Яр Чаллы циркы артистлары чыгыш ясаячак.
14:00 сәгатьтә Җиңү паркында, 15:00 сәгатьтә Энтузиастлар бульварында бәйрәм чаралары башланачак.
Кич белән бәйрәм программасы «Азатлык» мәйданында дәвам итәчәк.
17:00 сәгатьтә чаллылыларны "Туган көнең белән, Татарстан!" концерт программасы
көтә. Башкарма комитетның мәдәният идарәсе тарафыннан "MSSA" техник
төркеме белән берлектә әзерләнгән проект. 18:30да «Узнай меня» дигән нәфис фильм күрсәтеләчәк. Чаллылыларга комсомол төзелешенә
килгән яшьләрнең тормышын тәкъдим итәчәкләр.
При использовании информации просьба ссылаться на Управление информационной политики и по связям с общественностью.
Пәнҗешәмбе, 27 август 2020, 10:00