Яр Чаллыда "Со-творение" сәнгать-күргәзмә проектын тәкъдир итү булды

Яр Чаллы картиналар галереясендә ТАССРның 100 еллыгына багышланган «СО-ТВОРЕНИЕ» сәнгать-күргәзмә проекты кысаларында үткәрелә торган «ӨМӘ» Бөтенроссия пленэр-симпозиумы күргәзмәсен тәкъдир итү булды.

Татарстан Республикасы Рәссамнар берлеге проекты Президент грантлары фондыннан ярдәм алды. Аны гамәлгә ашыру Россия Федерациясенең 48 танылган рәссамына хәзерге Татарстанның Казан, Болгар, Свияжск утрау-шәһәрендәге истәлекле урыннарны 82 рәсем сәнгате һәм графика әсәрендә сурәтләргә мөмкинлек бирде.

Катнашучыларның географиясе киң тәкъдим ителгән-ул Россиянең Владивостогыннан алып Санкт-Петербургка кадәр ун төбәге. Мәскәүдән Бато Дугаржапов, Чабаксардан Александр Федосеев, Санкт-Петербургтан Сергей Любимов, Казаннан Зөфәр Гыймаев, Симферопольдән Эдуард Кулиш, Самарадан Владимир Башкиров проектның һөнәри планкасын югары дәрәҗәгә күтәрәләр.