Яр Чаллының А. С. Пушкин исемендәге 78 нче лицеенда Яр буе паркын төзекләндерү концепциясе буенча җәмәгать тыңлаулары булды. Чарада архитекторлар, шәһәр җитәкчелеге вәкилләре, эшмәкәрләр, активистлар һәм битараф булмаган чаллылылар катнашты. "Бу Яр Чаллы шәһәрендә мөһим урын. Минем фикеремчә, Яр буе паркы иң матур урыннарның берсе – Кама елгасы ярында, зур территорияне били. Башлангыч тыңлаулар булды, без сезнең тәкъдимнәрне һәм кисәтүләрне тыңладык. Бүген без концепцияне тәкъдим итәргә телибез", - диде Башкарма комитет җитәкчесе Фәрит Сәлахов, катнашучыларны сәламләп һәм барлык катнашучыларга нәтиҗәле эш теләде.
Беренче иҗтимагый тыңлаулар 11 августта паркның үзендә узган иде.
Проект концепциясен Архитектура десанты вәкиле Дарья Климова тәкъдим
итте: «Бу парк – үзенчәлекле территория. Ул шәһәр эчендә, елга белән торак
үзәк арасында урман массивыннан гыйбарәт. Тулаем территория бөтен шәһәр
мәйданының 2,5%ын тәшкил итә, бу парк өчен бик күп», – дип сөйләде ул.
"Безнең төп акцент һәм идеябез – паркның урман массивы. Урман – көч чыганагы, энергия чыганагы һәм табигый мохит, ул шәһәр халкына сыйфатлы ял һәм сыйфатлы тормыш бүләк итә ала. Ә парк янында яки эчендә барган барлык активлыкларның урынын периметр буенча дип саныйбыз, чөнки алар актив фронт, яхшы керү төркемнәре булдырачак, яхшы айдентикага, әйбәт күренешкә ия булачак", – дип билгеләп үтте Дарья Климова.
Архитекторлар паркны берничә функциональ зонага бүлделәр.
Тәкъдир итү ахырында архитекторлар парк исемен уйлап табарга яки булганнары арасыннан сайларга тәкъдим иттеләр, әмма күпчелек катнашучылар паркны элеккеге исеме – Яр буе дип калдыруны сорадылар.
Концепцияне тәкъдир иткәннән соң, фикер алышуда катнашучылар, төркемнәргә бүленеп, үз тәкъдимнәрен һәм искәрмәләрен әзерли алдылар.
При использовании информации просьба ссылаться на Управление информационной политики и по связям с общественностью.
Шимбә, 29 август 2020, 12:44