Яр Чаллыда автомобиль газ тутыру компрессор станциясе ачылды

Яр Чаллыда «Раритэк» Автомобиль газ тутыру компрессор станциясе ачылды. Тантаналы чара видеоэлемтә режимында узды. Аны эшләтеп җибәрү тантанасында Татарстан Республикасы президенты Рөстәм Миңнеханов, Россия Хөкүмәте Рәисе урынбасары Марат Хөснуллин, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Дәүләт Киңәшчесе Минтимер Шәймиев катнашты. Яр Чаллыдан Башкарма комитет җитәкчесе Фәрит Сәлахов элемтәгә чыкты.

Татарстан президенты Рөстәм Миңнеханов билгеләп үткәнчә, бу – Россиядә, үзебезнең комплектлау әйберләрен кулланып, сыекландырылган табигый газда (СПГ) судно төзү буенча беренче тәҗрибә. «Газпром газомоторное топливо» компаниясе судноны ягулык белән тәэмин итәчәк.

Станциянең гомуми җитештерүчәнлеге сәгатенә 1000 нормаль кубик метрны һәм тәүлегенә 20 000 нормаль кубик метрны тәшкил итә.