Азатлык мәйданында "Минем кызыклы шәһәрем" дигән күңел ачу программасы булды

 Азатлык мәйданында «Таврида янәшәдә» ишегалларында стримнар һәм концертлар фестивале кысаларында «Минем кызыклы шәһәр» дигән күңел ачу программасы булды. Шәһәр халкы өчен Диләрә Айдашева җитәкчелегендәге «Крылья» эстрада гитара мәктәбе, Самира Гыймадиева, Сафина Малыйкина җитәкчелегендәге «Күңелле ноткалар» вокал студиясе артистлары, «Американ Трайбл Стайл» һәм «Вакинг» Трайбл Китс, Pygmalion корея бию төркеме чыгыш ясады.

Айзилә Фәрхетдинова татар халык җырларын җырлыды. Гитарага җырларны вокалчылар Юлия Федотова һәм Максим Цыбочкин - «Заман» яшьләр үзәгенең «Квартирник» проектында катнашучылар башкарды.

Оештыручылар концерт программасында катнашучылар һәм тамашачылар өчен төрле конкурслар, флешмоблар үткәрделәр. Чарада төрле яшьтәге балалар өчен мәйданчыклар эшләде. Иҗат сөючеләр өчен «Үз кулларың белән открытка» дигән темага мастер-класс оештырылды.

«Могҗиза-балалар» дәвалау үзәге педагоглары шәһәрдәшләребез игътибарына «Арт-фит» мәйданчыгын тәкъдим итте. Бу мәйданчыкта берьюлы өч локация эшләде: "Эко-кухня", анда һәркем смузи әзерли алды. "Чүлмәк ясау остаханәсендә" яшүсмерләр һәм яшьләр әти-әниләре белән бергә балчыктан фигуралар ясадылар.

Чарада шулай ук Бөек Ватан сугышында Җиңүнең 75 еллыгына багышланган «Хәтер. Балалар»  видеопроекты җиңүчеләрен бүләкләү булды.