Бүген "Яр Чаллы", "Түбән Кама", Яшел Үзән", "Чистай" һәм
"Менделеевск" алгарышлы социаль-икътисадый үсеш территорияләрендә эшчәнлек алып бару турында килешүләр төзү
өчен гаризалар карау буенча комиссия утырышы узды. Утырыш Татарстан
Республикасы Премьер-министры Алексей Песошин җитәкчелегендә
видеоконференция режимында үткәрелде.
Анда Чаллы шәһәре мэры Наил Мәһдиев
катнашты.
"Яр Чаллы" ТОСЭРнан ике резидент капиталь кертемнәрне арттыру һәм
җитештерүне киңәйтү өчен республика Хөкүмәте тарафыннан хуплау алды.
Беренче резидент - "Технолайн" компаниясе, ул хәзерге вакытта көнкүреш техникасы җитештерү буенча эшчәнлек алып бара. Бу юлы Чаллы компаниясе капиталь кертемнәр күләмен 50 млн сумнан 75 млн сумга кадәр арттырырга һәм җитештерелә торган продукция ассортиментын киңәйтергә планлаштыра.
"Яр Чаллы" ТОСЭРның икенче резиденты – "Идел" компаниясе, полимерлардан зур
габаритлы эшләнмәләр басымы астында коеп эшләү белән шөгыльләнә.
Резидент шулай ук капиталь кертемнәрне 56,8 млннан 337 млн сумга
кадәр арттырачак, шулай ук 277 яңа эш урыны булдырачак. Шуны да билгеләп
үтәргә кирәк," Идел" Кытай компаниясен тәэмин итүче булып тора.
Шуны билгеләп үтәргә кирәк, «Яр Чаллы» алгарышлы социаль-икътисадый үсеш территориясе – җәлеп ителгән резидентлар
саны, инвестицияләр күләме һәм республиканың алга киткән
социаль-икътисадый үсеше территорияләре арасында эш урыннары булдыру
буенча лидерлар.
При использовании информации просьба ссылаться на Управление информационной политики и по связям с общественностью.
Пәнҗешәмбе, 10 сентябрь 2020, 11:25