Яр Чаллыда 1200 агач үсентесе утыртылды

Бүген Яр Чаллыда 1200 агач утыртылды. Яшел үсентеләр утыртуда мэрның урынбасары Ирина Сәгыйдуллина, Башкарма комитет җитәкчесе Фәрит Сәлахов, идарә башлыклары, Башкарма комитет, район администрацияләре, муниципаль, белем бирү һәм мәктәпкәчә учреждениеләр, сәнәгать һәм башка предприятиеләр, идарәче компанияләр хезмәткәрләре катнашты.

«Горзеленхоз» МУП директоры Азат Вильданов хәбәр иткәнчә, шәһәрнең төрле районнарында 360 пирамидаль тирәк, 270 нарат, 170 миләш һәм башка агач токымнары барлыкка килгән. Әйтик, Ризовское кольцо территориясендә 300 яңа яшел үсенте: нарат һәм карагачлар утыртылды. 65 микрорайонда 42 нче мәктәпнең спорт мәйданчыгы буенда 34 каен барлыкка килде.

9 май скверы территориясендә 1 комплекста 51 миләш, юкә һәм өрәнге, Авангард урамы буенча мәчет территориясендә 10 миләш, мәгариф һәм мәктәпкәчә учреждениеләр территориясендә 200 агач һәм куак утыртылды. Шәһәрнең йорт яны территорияләрендә идарәче компанияләр ТИҮ белән берлектә 357 агач һәм куак пәйда булды.

Акциядә 1 158 кеше катнашты. Агач һәм куаклар утырту дәвам итәчәк.