Яр Чаллы шәһәренең Тантаналар сараенда укытучылар көненә багышланган тантаналы чара узды.
Педагогларны һөнәри бәйрәмнәре белән шәһәр мэры Наил Мәһдиев котлады.
«Без бүген Тантаналар сараенда беренче октябрь көнендә аның бөеклегенә
чиксез рәхмәт сүзләрен белдерү өчен җыелдык. Һәрберебезнең тормышында ул
аерым урын алып тора. Укучылар һәм аларның әти-әниләре исеменнән сезгә,
хөрмәтле педагоглар, сезнең фидакарь һәм намуслы хезмәтегез өчен рәхмәт
белдерәм. Педагогик хезмәтнең күп кенә буын хезмәткәрләре тырышлыгы
белән безнең шәһәр һәм республика нык аягында басып тора һәм киләчәккә
ышанычлы карый. Быелгы ел бөтен мәгариф системасы өчен чын сынау булды.
Пандемия белән бәйле рәвештә, гадәти формалар һәм эш алымнарын
үзгәртергә туры килде. Дистанцион укуга күчү сезнең өчен дә, укучылар
өчен дә җитди имтихан булды. Экстраординар шартларга карамастан, сез
мәктәп укучыларын бердәм дәүләт имтиханын уңышлы тапшыруга әзерли
алдыгыз. Моннан тыш, соңгы нәтиҗәләр буенча БДИның соңгы нәтиҗәләре алдагы уку
елы күрсәткечләреннән 72%ка югары булды. Бу Яр Чаллы барлык
педагогик җәмәгатьчелегенең югары һөнәри осталыгының ачык дәлиле булып
тора. Сезнең казанышларыгыз һәм бай һөнәри тәҗрибәгез алга таба да Чаллы
һәм Татарстан Республикасының социаль-икътисадый иминлеген ныгытуга
хезмәт итсен! Сезгә чын күңелдән эшегездә уңышлар, нык сәламәтлек, гаилә
иминлеге, тынычлык, игелек һәм иң изге теләкләр юллап калам! Бәйрәм белән
сезне! Укытучылар көне белән!» ,- диде ул.
Намуслы һәм нәтиҗәле хезмәте, яшь буынны укыту һәм тәрбияләү эшендә
югары нәтиҗәләр күрсәткән өчен автокаланың 23 педагогына лаеклы
бүләкләр тапшырылды.
При использовании информации просьба ссылаться на Управление информационной политики и по связям с общественностью.
Пәнҗешәмбе, 1 октябрь 2020, 15:35