Казанда кооператив институт мәйданчыгында Татарстан Республикасы Дәүләт Советының «Мәрхәмәт-Милосердие» хатын-кыз депутатлар берләшмәсе утырышы узды. Анда Россия Федерациясе Дәүләт Думасы депутаты, Икътисадый сәясәт, сәнәгать, инновацион үсеш һәм эшмәкәрлек комитеты рәисе урынбасары Әлфия Когогина катнашты. Фикер алышуның төп темасы – сайлаучылар наказларын үтәү. «Узган сайлау кампанияләре барышында Татарстан президенты һәм муниципаль берәмлекләр депутатлары адресына күп санлы наказлар бирелде. Төп бурыч шул, аларны тормышка ашыру– татарстанлыларның тормыш дәрәҗәсен күтәрү», – дип ассызыклады Дәүләт Советы Рәисе урынбасары, «Мәрхәмәт– Милосердие» хатын-кыз депутатларның Татарстан Республикасы берләшмәсе җитәкчесе Татьяна Ларионова.
Әлфия Когогина РФ Дәүләт Думасының агымдагы эш нәтиҗәләре, агымдагы
чакырылышта каралган һәм кабул ителгән мөһим социаль әһәмиятле закон
проектлары турында доклад белән чыгыш ясады. "Депутат нинди генә
сораулар белән шөгыльләнмәсен, туган республикабыз мәнфәгатьләрен теләсә
кайсы дәрәҗәдә якларга, кешеләр мәсьәләләрен хәл итәргә,
татарстанлыларга файдалы карарлар эшләргә тиеш. Безнең республикада
барлык дәрәҗәдәге закон чыгаручылар, хөкүмәт, җирле үзидарә органнары,
бизнес вәкилләре һәм иҗтимагый фикер лидерлары – Татарстанның лидеры
Рөстәм Миңнеханов булган нәтиҗәле команда бар",– дип билгеләп үтте Әлфия
Когогина.
ТР Дәүләт Советында «Мәрхәмәт-Милосердие» хатын-кыз депутатлар берләшмәсе 2009 елдан бирле эшчәнлек алып бара. Социаль һәм мәгариф учреждениеләрендә хатын-кыз депутатлар берләшмәсенең күчмә утырышлары традициягә әйләнде. Утырышта шулай ук социаль министрлыклар һәм ведомстволар, республика муниципалитетлары вәкилләре катнашты, якындагы чорга берләшмә планнары каралды.
При использовании информации просьба ссылаться на Управление информационной политики и по связям с общественностью.
Якшәмбе, 4 октябрь 2020, 10:59