"Этюд" спорт мәктәбендә җитез шахмат һәм блиц буенча ярышлар узды

Яр Чаллыда "Этюд" спорт мәктәбендә җитез шахмат һәм блиц буенча Татарстан Республикасының команда чемпионаты узды. Ярышлар Татарстанның 18 шәһәреннән һәм районыннан 35 ир-ат һәм 17 хатын-кыз командасы катнашында үтте. Команда зачеты халык саны 9000нән артык булган (1 төркем), 35000нән 90000гә кадәр (икенче төркем) һәм 35000нән дә ким булмаган (3 төркем) шәһәр һәм районнар төркемнәрендә аерым уздырылды. Ир-атлар турнирлары 4 тактада оештырылды, хатын-кызлар командаларында икешәр катнашучы булды.

Турнирда сигез электрон тактада онлайн-трансляция оештырылган иде. Казанның Вахитов районы командасы (Рамил Фәйзрахманов, Руслан Мортазин, Александр Рычагов һәм Иван Герасимов) ир-атлар арасында җитез шахмат буенча Татарстан Республикасы чемпионатында җиңү яулады. Икенче урында  – "Вертикаль" командасы (Чаллы), өченчедә - "Жемчужина" (Яр Чаллы).

Икенче төркемдә Лениногорск шахматчылары җиңде, Зәй - икенче урында. Икенче төркем зачетында өченче урында - Баулы командасы.

Саба районы командасы өченче төркемдә җиңде. Икенче урында – Аксубай командасы. Беренче өчлекне Балтач шахматчылары төгәлләде. Хатын-кызлар арасында Яшел Үзән җыелма командасы (Камалия Булатова һәм Екатерина Насыйрова (I төркем) беренче булды. Икенче урында -  "Созвездие" командасы (Чаллы). Бөгелмә шахматчылары беренче өчлекне тәмамлады.

Икенче төркемдә Кукмара шахматчылары җиңде, икенче урында Баулы командасы, өченчедә - Сарман районы командасы. Ир-атлар арасында блиц буенча Татарстан Республикасы чемпионаты Яр Чаллы шәһәренең "Жемчужина" командасы җиңүе белән тәмамланды (Руслан Габитов, Роберт Сафин, Роберт Струков һәм Артем Нәгыймов).