28 октябрьдән 1 ноябрьгә кадәр чаллылыларны «Удмуртия» күргәзмә үзәге ярминкәсенә чакыралар. Бүләкләр һәм тәм-томнар үзәге 32 комплексның «Мегастрой» гипермаркеты каршындагы павильонда урнашачак. Ярминкәдә Удмуртия, Тамбов һәм Белорусия җитештерүчеләреннән ит деликатеслары, Камчатка, Сахалин, Якутия ярларыннан уылдык, кызыл һәм деликатес балык рулетлары, Азәрбайҗан гранатлары һәм гранат согы, сусыл манго, тәм-томнары, Пермь чикләвеге һәм җиләкләре, йогурт һәм Бельгия шоколады, тәмләткечләр, кипкән җиләк-җимеш, Башкортстан балы, Алтай, Ерак Көнчыгыш һәм башка төбәкләрдән алып киленгән продукция тәкъдим ителәчәк.
Сатып алучылар Төмән сыр ясау фабрикасыннан, шулай ук сыйфатлы сыер сөтеннән әзерләнгән: качотта, абалак, Турин, Тобольский каты сырларын сайлый алачаклар. Хатын-кызлар биредә кулдан эшләнгән натураль косметика, гарәп парфюмы, сумкалар, перчаткалар, Чехиядән бизәнү әйберләре, кием-салым коллекцияләре, Германия, Европа, Россия һәм башка ил фабрикаларыннан үзләре өчен барлык кирәк-яраклар таба алачак. Ир-атлар сыйфатлы күлмәкләр, ау һәм балык тоту өчен әйберләр сайлый алачак.
Сатып алучылар арасында 1,5 кг уылдык һәм ярминкәдән товарлар
уйнатылачак. Катнашу өчен теләсә кайсы стендта 500 сумнан башлап продукция сатып
алырга, купон тутырырга һәм аны барабанга салырга кирәк. Товарлар уйнату 1 ноябрьдә
сатып алучылар арасында онлайн-форматта узачак.
Ярминкәгә килүчеләр битлектән булырга тиеш. Керү юлында антисептик белән кулларны эшкәртергә мөмкин булачак, идәннәрдә социаль дистанцияне билгеләү тамгасы каралган.
При использовании информации просьба ссылаться на Управление информационной политики и по связям с общественностью.
Чәршәмбе, 28 октябрь 2020, 08:08