Яр Чаллы икътисадына ТОСЭРның 39 резиденты зур өлеш кертә. Аларның
эшчәнлеге турында мэриядә узган иртәнге киңәшмәдә Башкарма комитет
җитәкчесе урынбасары Наталия Кропотова сөйләде.
ТОСЭР резиденты - Химресурс компаниясе стратегик мөһим эпоксид сумала җитештерүне башлап җибәрде.
ТОСЭРның иң эре резиденты - Хайер кытай компаниясе-индустриаль парк территориясендә яңа производстволар булдыру буенча актив эш дәвам итә.
Шәһәр мэры Наил Мәһдиев хәбәр иткәнчә, Haier компаниясе тарафыннан
төзелә торган яңа эш урыннарыннан тыш, тагын 1500 урын ТОСЭРның "якорь"ле
резиденты өчен комплектлау җиһазлары белән тәэмин итүче предприятиеләрдә
булдырылган. Ул шулай ук smart-телевизорлар чыгару буенча завод һәм суыткычлар
җитештерү буенча «акыллы» завод төзелеше дәвам итүен искәртте. "Бер сүз
белән әйткәндә, Хайер компаниясе яңа эш урыннары булдыру буенча үз вәгъдәсен үти, - дип билгеләп үтте шәһәр башлыгы, ТОСЭР резидентлары җирле
бюджетка салымнар буенча бернинди ташламаларга да ия түгел, дип ассызыклады.
"Барлык 39 резидентка ярдәм күрсәтү эшен дәвам итәргә кирәк. Бу - өстәмә эш урыннары һәм яхшы проектлар, алар якын арада Яр Чаллыда гамәлгә ашырылачак", - дип йомгаклады Наил Мәһдиев.
При использовании информации просьба ссылаться на Управление информационной политики и по связям с общественностью.
Дүшәмбе, 16 ноябрь 2020, 10:31