Чаллының КВН командасы рәсми лига чемпионы булды

Кировта Халыкара «Вятка» КВН берлеге рәсми лигасы финалы тәмамланды. Анда Чаллының «Ингеборга Дапкунайте» командасы чемпион булды. Финалда Казан, Санкт-Петербург, Инта, Түбән Новгород, Владимир, Сыктывкар, Пермь крае, Татарстан һәм Вологдадан сигез команда очрашты.

Төп призга Сочига да узачак «КиВиН - 2021» фестиваленә бару - «Ингеборга Дапкунайте» командасы (Чаллы, Бөгелмә) лаек булды, икенче урынны Түбән Новгородтан «Город «двух N», өченче урынны Вологдадан «Фишка» командасы алды.

 27 декабрьдә «Ингеборга Дапкунайте» командасы «Республика» Лигасы телевизион Кубогының икенче этабында уйнаячак, ә март аенда чаллылылар «КиВиН-2021» Халыкара фестиваленә Сочига барырга ниятли.