"Гринта" региональ операторы шәһәрне заманча чүп ташу транспорты белән тәэмин итә башлады. Бүгенге көндә линиядә 31 махсус техника берәмлеге бар.
"Региональ оператор хезмәтләренең сыйфатын һәм үтемлелеген арттыру чүп-чар ташучы техниканы һәм каты көнкүреш калдыклары белән эш итүнең бөтен инфраструктурасын яңартмыйча мөмкин түгел. Хәзер чүпне вакытында алып китү графигын үтәү мөһим әһәмияткә ия" , – дип билгеләп үтте "ГРИНТА" генераль директоры Светлана Ярлыченко.
Яңа чүп ташу техникасы күпкә компактлырак. Алар парковкаланган автомобильләр белән тулган ишегалларында күпкә җиңелрәк һәм тизрәк уза. Бу калдыкларны вакытында чыгару өчен мөһим. Яңа техниканың йөк төягәндә кысылу коэффициенты югарырак, бу исә бер чүп ташучы машинага ишегалдына күбрәк хезмәт күрсәтергә мөмкинлек бирә. Шулай итеп, тарифлар үсешен саклап калу өчен транспорт чыгымнарын оптимальләштерүгә ирешелә. "ГРИНТА" Татарстанның көнчыгыш зонасына хезмәт күрсәтүче чүп ташучы автопаркларны яңартуны дәвам итәчәк.
При использовании информации просьба ссылаться на Управление информационной политики и по связям с общественностью.
Чәршәмбе, 30 декабрь 2020, 18:45