Яр Чаллыда яңа производстволар урнаштыру өчен 10 мең кв метрдан артык мәйдан җәлеп ителгән

2020 елда Яр Чаллыда эре җитештерү мәйданнары файдалануга тапшырылган.

Җитештерүнең гомуми мәйданы 10491,7 кв. метр тәшкил итә. Моннан тыш, Хайер компаниясе тарафыннан көнкүреш техникасы җитештерү буенча зур масштаблы инвестицион проектны гамәлгә ашыру дәвам итә, телевизорлар җитештерү буенча завод һәм гомуми мәйданы 64 мең кв. метр булган әзер продукция склады төзелә.

«Челны-Холод» ААҖ туңдырма өчен вафеля җитештерү цехы, «ТАТАПРОФ Инвест» АҖнең алюминий профиль җитештерүдәге упаковка цехы, «Развитие» сәнәгать паркында «ТехноСтройИнжиниринг» ҖЧҖ җитештерү корпусы төзелеше башланды.