Комсомол районында Бөек Ватан сугышы ветераннары Александр Павлович
Андреев һәм Татьяна Семеновна Куклова 90 яшьлек юбилейларын билгеләп үтә. Юбилярларга РФ президенты Владимир Путин, Чаллы шәһәре мэры Наил Мәһдиев исеменнән
Комсомол районы администрациясе башлыгы урынбасары вазыйфаларын
башкаручы Алсу Хамматова, ТИҮ рәисләре Халидә Әхмәтгәрәева һәм Вера
Захарова котлаулар һәм бүләкләр тапшырдылар.
Александр Павлович ТАССРның Тукай районы Иске Маҗын авылында туа.
Башлангыч мәктәпнең 2 сыйныфын тәмамлый. Сугыш елларында колхозда төрле
эшче булып эшли. 1957 елда өйләнә. 1972 елда гаилә Яр Чаллыга күчеп
килә. Лаеклы ялга чыкканчы Александр Павлович Авыл хуҗалыгы техникасы
предприятиесендә шофер булып эшләгән. Хатыны белән өч бала тәрбияләп
үстергәннәр, биш оныгы һәм тугыз оныкчыгы бар. Александр Павлович
«1941-1945 еллардагы Бөек Ватан сугышы елларында фидакарь хезмәт өчен»
медале, «Хезмәт ветераны» медале, юбилей медальләре белән бүләкләнгән.
Татьяна Семеновна ТАССРның Тукай районы Боровецкое авылында туа. Башлангыч мәктәпнең 4 сыйныфын тәмамлый. Сугыш елларында колхозда төрле эшче булып эшли. 1951 елда кияүгә чыга. Лаеклы ялга чыкканчы Татьяна Семеновна "Минавтопром КАМАЗ" предприятиесендә эшләгән. Ире белән ике бала тәрбияләп үстергәннәр, ике оныгы һәм оныкчыгы бар. «1941-1945 еллардагы Бөек Ватан сугышы елларында фидакарь хезмәт өчен» медале, юбилей медальләре белән бүләкләнгән.
При использовании информации просьба ссылаться на Управление информационной политики и по связям с общественностью.
Пәнҗешәмбе, 21 гыйнвар 2021, 13:10