Шәһәр мэры Наил Мәһдиев «Агросила» холдингына керүче
«Челны-Бройлер» кошчылык комплексы хезмәткәрләре белән очрашты. Очрашуда
бүлек җитәкчеләре, башлыклары, белгечләр, эшчеләр катнашты. Чарада
катнашучыларга Яр Чаллы шәһәренең 2020 елда социаль-икътисадый үсеш
нәтиҗәләре һәм 2021 елга бурычлар турында фильм күрсәттеләр.
Наил Мәһдиев Яр Чаллыда үткәрелә торган эш турында сөйләде,
предприятиенең шәһәр икътисадына зур өлеш кертүен билгеләп үтте: «Сез –
танылган бренд, шәһәрнең йөзе булып торасыз, сыйфатлы, тәмле продукциясен җитештерәсез.
Без КАМАЗ белән генә түгел, ә азык-төлек эшкәртү сәнәгатенең эре предприятиесе
булуы белән горурланабыз. Без сезнең продукцияне беләбез һәм яратабыз, башкаларга тәкъдим итәбез».
Очрашуда катнашучылар шәһәр башлыгына үзләрен кызыксындырган сорауларын бирә алдылар.
При использовании информации просьба ссылаться на Управление информационной политики и по связям с общественностью.
Җомга, 29 гыйнвар 2021, 15:00